جەلىدە قازاقستان پرەمەر-ءمينيسترىنىڭ فەيك سۇحباتى تاراپ جاتىر

 الەۋمەتتىك جەلىلەردە ق ر پرەمەر-ءمينيسترى ءاليحان سمايىلوۆتىڭ كريپتوۆاليۋتاعا ينۆەستيتسيا سالۋعا شاقىرعان فەيك-سۇحباتى تاراپ جاتىر. 

премьер фейк сұхбат
Фото: "ҚазАқпарат" ХАА

جارنامادا ۇكىمەت باسشىسىنىڭ سۋرەتى دە قوسا بەرىلگەن، دەپ حابارلايدى قازاقپارات.

بوگدە سايتتا جاريالانعان ۇكىمەت باسشىسىنىڭ «سۇحباتىندا» الاياقتار وقىرمانداردى كريپتوۆاليۋتاعا قاراجات سالۋ ءۇشىن بەلگىلى ءبىر پلاتفورمانى پايدالانۋعا شاقىرادى.

Stopfake.kz-كە ۇكىمەتتىڭ باسپا ءسوز قىزمەتى بۇل اقپاراتتىڭ شىندىققا جاناسپايتىنىن راستادى جانە قازاقستاندىقتاردى الاياقتاردىڭ ارباۋىنا تۇسپەۋگە شاقىردى.

ءوز كەزەگىندە مادەنيەت جانە اقپارات مينيسترلىگى الەۋمەتتىك جەلىلەر اكىمشىلىگىنەن زاڭسىز كونتەنتتى بۇعاتتاۋ تۋرالى ءوتىنىش جولداعانىن حابارلادى.

جاقىندا الەۋمەتتىك جەلىلەردە ق ر پرەمەر-ءمينيسترىنىڭ ورىنباسارى - قارجى ءمينيسترى ە. جاماۋبايەۆقا قاتىستى وقىرماندارعا تابىس تابۋدىڭ جەڭىل جولدارى ۇسىنىلعان وسىنداي فەيك تاراعان بولاتىن.

سوڭعى جاڭالىقتار