جەلتوقساندا اۋا رايى قانداي بولادى - سينوپتيكتەر بولجامى

استانا. KAZINFORM - جەلتوقسان ايىندا رەسپۋبليكا بويىنشا تەمپەراتۋرالىق فون كليماتتىق نورماعا جاقىن بولادى، ال جاۋىن-شاشىن مولشەرى ەلدىڭ باسىم بولىگىندە نورمادان جوعارى بولماق. بۇل تۋرالى قازگيدرومەت جاريالانعان اۋا رايى بولجامىندا ايتىلعان.

جەلتوقساندا قازاقستاننىڭ باسىم بولىگىندە قار، بۇرقاسىن، ەكپىندى جەل، ال وڭتۇستىك بولىگىندە جاڭبىر جانە قار ارالاس جاڭبىر، تاۋلى جانە تاۋ ەتەگىندەگى اۋدانداردا قار جاۋۋى ىقتيمال. ەلدىڭ باتىسى مەن وڭتۇستىگىندە كوكتايعاق بولىپ، تۇمان تۇسەدى.

«قازگيدرومەت» ر م ك كونسۋلتاتيۆتىك بولجامىنا سايكەس، ايدىڭ ءبىرىنشى ونكۇندىگىندە تەمپەراتۋرالىق فون كەلەسىدەي بولىنەدى:

* رەسپۋبليكانىڭ سولتۇستىگىندە، ورتالىعىندا جانە شىعىسىندا تۇندە -10-18 گرادۋستان -3-10 گرادۋسقا دەيىن، كۇندىز 0، -8 گرادۋستان -3+5 گرادۋسقا دەيىن اۋىتقۋلار بولجانعان؛

* رەسپۋبليكانىڭ وڭتۇستىگى مەن وڭتۇستىك-شىعىسىندا تۇندە 5+5 گرادۋستان 1-8-گرادۋسقا دەيىن، رەسپۋبليكانىڭ وڭتۇستىك-شىعىسىنداعى تاۋلى ايماقتاردا تەمپەراتۋرانىڭ 10-15-گرادۋس، كۇندىز كۇندىز 5+5 -گرادۋستان 5+12+ گرادۋسقا دەيىن اۋىتقۋى بولجانعان؛

* رەسپۋبليكانىڭ باتىسىندا اۋانىڭ نەگىزگى فوندىق تەمپەراتۋراسى تۇندە -1-8 ، كاسپي تەڭىزى جاعالاۋىندا 3+، كۇندىز 1+8+ بولادى. ونكۇندىكتىڭ سوڭىندا اۋا تەمپەراتۋراسى كۇندىز 5+3 -گرادۋس دەيىن تومەندەيدى دەپ بولجانۋدا.

سولتۇستىك-باتىس جانە سولتۇستىك انتيتسيكلوندار اۋا تەمپەراتۋراسىنىڭ ايتارلىقتاي تومەندەۋىنە اكەلەتىن كۇندەر دە بولادى.

جەلتوقساننىڭ ەكىنشى جانە ءۇشىنشى ونكۇندىگىندە اۋا تەمپەراتۋراسىنىڭ اۋىتقۋى جيى بايقالادى.

جالپى، جەلتوقسان ايىندا رەسپۋبليكا بويىنشا تەمپەراتۋرالىق فون كليماتتىق نورماعا جاقىن، جاۋىن-شاشىن مولشەرى رەسپۋبليكانىڭ باسىم بولىگىندە نورمادان جوعارى بولادى دەپ بولجانىپ وتىر.

ەسكە سالساق، بۇعان دەيىن الداعى ءۇش كۇندە اۋا رايى قانداي بولاتىندىعى تۋرالى حابارلاعان بولاتىنبىز.