جەلدىڭ كۇشەيۋى، جاڭبىر، قاتقاق – 8-مامىردا كۇن رايى قالاي بولادى
جەلدىڭ كۇشەيۋى، جاڭبىر، قاتقاق – 8-مامىردا كۇن رايى قالاي بولادى
استانا. KAZINFORM - قازگيدرومەت قازاقستان ايماقتارىندا 2024-جىلعى 8-مامىردا بولاتىن قاۋىپتى مەتەورولوگيالىق قۇبىلىستارعا بولجاۋ كونسۋلتاتسياسىن جاريالادى.
وڭتۇستىك تسيكلونى جانە ونىمەن بايلانىسقان اتموسفەرالىق فرونتالدى بولىكتەر ق ر تەرريتورياسىنىڭ باسىم بولىگىنە نايزاعايلى جاڭبىر، باتىسقا قاتتى جاڭبىر، بۇرشاق الىپ كەلەدى. تەك ەلىمىزدىڭ سولتۇستىگىندە جاۋىن-شاشىنسىز اۋا رايى كۇتىلەدى.
رەسپۋبليكا بويىنشا جەلدىڭ كۇشەيۋى، باتىسى مەن وڭتۇستىگىندە داۋىل، وڭتۇستىك-باتىسى، سولتۇستىك-باتىسى مەن ورتالىعىندا تۇنگى جانە تاڭەرتەڭگى ساعاتتاردا تۇمان كۇتىلەدى.
تۇندە اقمولا، شىعىس قازاقستان وبلىستارىنىڭ شىعىسىندا، سولتۇستىك قازاقستان وبلىسىنىڭ سولتۇستىگىندە توپىراق بەتىندە 1-2 گرادۋس ۇسىك كۇتىلەدى.
قاراعاندى وبلىسىنىڭ ورتالىعى مەن وڭتۇستىگىندە، ۇلىتاۋ وبلىسىنىڭ ورتالىعىندا، قىزىلوردا، تۇركىستان وبلىستارىنىڭ باتىسىندا، اباي وبلىسىنىڭ وڭتۇستىگىندە جوعارى ءورت قاۋىپى ساقتالادى.
