جەلاياق مارات جىلانبايەۆ 7 جىلعا سوتتالدى

2023-جىلعى 29- قاراشادا استانا قالاسىنىڭ قىلمىستىق ىستەر جونىندەگى اۋدانارالىق سوتى سوت تىيىم سالعان ەكسترەميستىك ۇيىمدى قارجىلاندىرعانى (ق ر ق ك 258-بابى 2-بولىگى)، سونداي-اق ونىڭ قىزمەتىنە قاتىسقانى ءۇشىن (ق ر ق ك 405-بابى 2-بولىگى) ج. -عا قاتىستى ۇكىم شىعاردى.

سوتتالۋشى ق ر اۋماعىندا تىيىم سالىنعان «قازاقستاننىڭ دەموكراتيالىق تاڭداۋى» ەكسترەميستىك ۇيىمىنىڭ (بۇدان ءارى – ق د ت) جاقتاۋشىسى بولا وتىرىپ، ق د ت كوشباسشىسىمەن جانە ونىڭ شەتەلدىك شتابىمەن بايلانىستا بولىپ، ولاردان قازاقستان رەسپۋبليكاسىنىڭ كونستيتۋتسيالىق قۇرىلىمىن كۇشتەپ وزگەرتۋ ماقساتىن كوزدەيتىن تاپسىرمالار مەن نۇسقاۋلار العان.

اتاپ ايتقاندا، ج. شەتەلدە جاسىرىنىپ جۇرگەن «ق د ت» شتابىنىڭ ۇيلەستىرۋشىسىمەن الدىن الا ءسوز بايلاسىپ، ەكسترەميستىك قىزمەتتى جۇزەگە اسىرۋ ءۇشىن پايدالانىلاتىنىن بىلە تۇرا، قارجىلىق، اقپاراتتىق جانە وزگە دە قىزمەتتەردى ۇيىمداستىرعان.

سوتتا پروكۋرور ايىپتاۋدى قولداپ، قوعامدىق-ساياسي قىزمەتپەن اينالىسۋ قۇقىعىنان 3 جىل مەرزىمگە ايىرا وتىرىپ، 10 جىلعا باس بوستاندىعىنان ايىرۋ جازاسىن تاعايىنداۋدى سۇرادى (ق ك- ءنىڭ 405- بابىنىڭ 2-بولىگى بويىنشا 2 جىلعا، 258-بابىنىڭ 2-بولىگى بويىنشا - 10 جىلعا باس بوستاندىعىنان ايىرۋ).

قورعاۋشى تاراپ سوتتالۋشىنى ونىڭ ارەكەتىندە قىلمىس قۇرامىنىڭ بولماۋىنا بايلانىستى اقتاۋدى سۇرادى.

سوتتالۋشىنىڭ كىناسى كۋاگەرلەردىڭ ايعاقتارىمەن، ساراپشىلاردىڭ قورىتىندىلارىمەن، زاتتاي دالەلدەمەلەرمەن جانە قىلمىستىق ءىستىڭ باسقا دا ماتەريالدارىمەن تولىق دالەلدەندى.

ق ك- ءنىڭ 405-بابى 2-بولىگىنىڭ سانكسياسى بەلگىلى ءبىر قىزمەتپەن اينالىسۋ قۇقىعىنان 3 -جىلعا دەيىنگى مەرزىمگە ايىرا وتىرىپ نەمەسە 2000 ا ە ك دەيىنگى مولشەردە ايىپپۇل سالۋعا نە سول مولشەردە تۇزەۋ جۇمىستارىنا، نە 2 جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋ تۇرىندەگى جازانى كوزدەيدى.

ق ك- ءنىڭ 258-بابى 2-بولىگىنىڭ سانكسياسى مۇلكى تاركىلەنىپ، 7 جىلدان 12 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازانى كوزدەيدى. سوت ۇكىمىمەن ج. ق ك- ءنىڭ 258-بابى 2-بولىگىندە جانە 405-بابىنىڭ 2-بولىگى بويىنشا قىلمىس جاساعانى ءۇشىن كىنالى دەپ تانىلدى جانە قىلمىستىق قۇقىق بۇزۋشىلىقتار جيىنتىعى بويىنشا 7 جىلعا باس بوستاندىعىنان ايىرىلدى. سونىمەن قاتار، قوعامدىق-ساياسي قىزمەتپەن، ونىڭ ىشىندە بۇقارالىق اقپارات قۇرالدارى مەن تەلەكوممۋنيكاتسيا جەلىلەرىن پايدالانۋ قۇقىعىنان 3 جىل مەرزىمگە ايىرىلدى.

سوت جاس بالانىڭ بولۋىن جانە سوتتالۋشىنىڭ بۇرىن-سوڭدى سوتتالماعانىن قىلمىستىق جاۋاپتىلىق پەن جازانى جەڭىلدەتەتىن ءمان-جاي رەتىندە تانىدى.

اۋىرلاتاتىن ءمان-جايلار انىقتالمادى.

ۇكىم زاڭدى كۇشىنە ەنگەن جوق.

Massaget.kz