جۇكتى قىزمەتكەردى قانداي جاعدايدا جۇمىستان شىعارۋعا بولادى؟
ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ءاقمادي سارباسوۆ جۇمىس بەرۋشى جۇكتى قىزمەتكەردى قانداي جاعدايدا جۇمىستان شىعارا الاتىنىن ايتتى، - دەپ حابارلايدى Tengrinews.kz.
ەڭبەك مينيسترلىگىنىڭ وكىلى مۇنداي جاعدايلار ەڭبەك كودەكسىمەن رەتتەلگەنىن ەسكە سالدى.
«ەگەر ەڭبەك شارتىنىڭ مەرزىمى ءىس جۇزىندە سايكەس كەلسە (سوڭىنا دەيىن - شامامەن. ) 12 اپتادان استام جۇكتىلىكتى راستايتىن ءتيىستى انىقتاما بولعان جاعدايدا، بەلگىلى ءبىر كەزەڭگە نە ورىندالاتىن جۇمىستى ەسكەرىپ بەلگىلەنگەن كەزەڭگە جاسالعان مۇنداي ەڭبەك شارتى بالا كۇتىمى بويىنشا ناقتى دەمالىس اياقتالعانعا دەيىن ۇزارتىلۋى ءتيىس»، - دەدى سارباسوۆ و ك ق بريفينگىندە.
شەنەۋنىك تاعى ءبىر مىسال كەلتىردى.
«ەگەر ءبىز قىزمەتكەر باسقا بىرەۋدى الماستىرۋ ۋاقىتىنا قابىلدانعان جاعدايدى قاراستىراتىن بولساق، وندا بۇل جاعدايدا جۇمىس بەرۋشى ەڭبەك قاتىناستارىن بۇزۋعا قۇقىلى (...) ەڭبەك زاڭناماسىنىڭ جالپى قاعيداتىنا كەلەتىن بولساق، جۇكتى ايەلدى وسىلاي قىسقارتۋعا بولمايتىنى تۇسىنىكتى جانە ءتيىستى راستايتىن قۇجاتتار بولعان جاعدايدا جۇمىس بەرۋشى وسى ساناتتاعى قىزمەتكەرلەردىڭ جۇمىس ورنىن ساقتاپ قالۋى ءتيىس»، - دەپ تولىقتىردى ۆيتسە-مينيستر.
