جەكە ينۆەستيتسيالار تارتۋ ارقىلى 20 زاماناۋي كوپبەيىندى اۋرۋحانا سالىنباق
ق ر پرەمەر- ءمينيسترى ءاليحان سمايىلوۆتىڭ توراعالىعىمەن وتكەن ينۆەستيتسيالىق احۋالدى جاقسارتۋ جونىندەگى كەڭەستىڭ كەزەكتى وتىرىسىندا قازاقستاننىڭ دەنساۋلىق ساقتاۋ سالاسىن ودان ءارى دامىتۋ ماسەلەلەرى تالقىلاندى.

سوڭعى جىلدارى قازاقستاندا دەنساۋلىق ساقتاۋ سالاسىندا اۋقىمدى رەفورما جۇرگىزىلۋدە.
«جالپى، ۇكىمەت 2027 -جىلعا قاراي مەديتسينا سالاسىن قارجىلاندىرۋ دەڭگەيىن ج ءىء و- ءنىڭ % 5- نا دەيىن جەتكىزە وتىرىپ، اتالعان سالانى دامىتۋدىڭ تۇراقتى مودەلىن قۇرۋ بويىنشا جۇمىس جۇرگىزىپ جاتىر. وسىعان وراي ءبىز ينۆەستيتسيالار مەن وزىق تەحنولوگيالار تارتۋعا مۇددەلىمىز»، - دەدى ءاليحان سمايىلوۆ.
ماسەلەن، وتكەن جىلدىڭ قورىتىندىسىنا سايكەس دەنساۋلىق ساقتاۋ سالاسىنداعى نەگىزگى كاپيتالعا سالىنعان ينۆەستيتسيا كولەمى شامامەن $540 ميلليون- دى قۇراپ، % 30- عا ءوستى.
سونىمەن قاتار سوڭعى 7 جىلدا فارماتسيەۆتيكا نارىعىنىڭ كولەمى 2,9 ەسەگە ارتتى.
مەديتسينا ينفراقۇرىلىمىن جاقسارتۋ بويىنشا كەشەندى شارالار قابىلدانىپ كەلەدى.
ماسەلەن، قر پرەزيدەنتىنىڭ تاپسىرماسى بويىنشا جەكە ينۆەستيتسيالار تارتۋ ارقىلى 20 زاماناۋي كوپبەيىندى اۋرۋحانا سالۋ جوسپارلانىپ وتىر.
«اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسى اياسىندا 655 العاشقى مەديتسينالىق- سانيتاريالىق كومەك كورسەتۋ نىسانى پايدالانۋعا بەرىلىپ، 32 كوپبەيىندى اۋداندىق اۋرۋحانا جاڭعىرتىلادى.
پرەمەر- مينيستر ۇكىمەت مەملەكەتتىك قولداۋ شارالارىنىڭ پاكەتتەرىن ۇسىنا وتىرىپ، فارماتسيەۆتيكالىق يندۋستريانىڭ الەمدىك ءىرى وكىلدەرىمەن دە بەلسەندى ىسكەرلىك بايلانىستاردى ارتتىراتىنىن اتاپ ءوتتى.
«دارىلىك زاتتارعا سۇرانىستىڭ ارتۋى اياسىندا دەنساۋلىق ساقتاۋ سالاسىنىڭ، ونىڭ ىشىندە فارماتسيەۆتيكا ونەركاسىبىنىڭ دامۋ الەۋەتى وتە زور»، - دەپ اتاپ ءوتتى ءاليحان سمايىلوۆ.
اۆتور
ەربول جانات