جەدەل جاردەم ەندى تاۋلىك بويى قىزمەت كورسەتپەۋى مۇمكىن

استانا. KAZINFORM - قازاقستاندا جەدەل مەديتسينالىق كومەكتىڭ قولجەتىمدىلىگىن جاقسارتۋ ماقساتىندا دەنساۋلىق ساقتاۋ مينيسترلىگى جەدەل مەديتسينالىق كومەك كورسەتۋ قاعيدالارىنا وزگەرىس ەنگىزۋ جونىندەگى بۇيرىقتىڭ جوباسىن ازىرلەدى.

جەدەل جاردەم قىزمەتى ءتورت ساناتقا بولىنەدى:

- ءبىرىنشى ساناتتاعى شاقىرتۋ - شۇعىل مەديتسينالىق كومەك كورسەتۋدى تالاپ ەتەتىن، ادام ومىرىنە تىكەلەي قاتەر تونگەندە؛

- ەكىنشى ساناتتاعى شاقىرۋ - مەديتسينالىق كومەكسىز ادام ومىرىنە ىقتيمال قاتەر تونگەندە؛

- ءۇشىنشى ساناتتاعى شاقىرۋ - مەديتسينالىق كومەكسىز دەنساۋلىققا ىقتيمال قاتەر تونگەندە؛

- ءتورتىنشى ساناتتاعى شاقىرۋ - پاتسيەنتتىڭ ءومىرى مەن دەنساۋلىعىنا تىكەلەي جانە ىقتيمال قاتەر بولماعان جاعدايدا.

ەندى جاڭا وزگەرىستەرگە سايكەس، جەدەل جاردەم 4- ساناتتاعى شاقىرتۋلارعا تاۋلىك بويى ەمەس، كەستە بويىنشا، ياعني جۇمىس ۋاقىتىندا تاڭعى ساعات 08:00- دەن 18:00- گە دەيىن، سەنبى كۇنى 8:00- دەن 12:00- گە دەيىن شىعادى، ال جەكسەنبى - دەمالىس.

«قولدانىستاعى تاريف العاشقى مەديتسينالىق- سانيتارلىق العاشقى كومەكتى (م س ا ك) ۇيىمداستىرۋ كەزىندەگى جەدەل مەديتسينالىق جاردەم بولىمشەسىنىڭ بارلىق شىعىنىن تولىق جابا المايدى. قارجىلاندىرۋدىڭ جەتكىلىكسىزدىگى ناتيجەسىندە تاۋلىك بويى جۇمىس ىستەيتىن بريگادالاردى ۇستاۋدىڭ تيىمسىزدىگى بايقالادى، بۇل كرەديتورلىق بەرەشەككە اكەلىپ سوعادى»، - دەپ ءتۇسىندىردى ۆەدومستۆودان.

قۇجات جوباسى اشىق ن ق ا سايتىندا جاريالانعان جانە 8 -قازانعا دەيىن جۇرتشىلىقتىڭ تالقىسىنا ۇسىنىلىپ وتىر.

اۆتور

داۋلەت ىزتىلەۋ