جازۋشى مۇحتار ماعاۋيننىڭ قابىرىنە تۋعان جەردىڭ توپىراعى جەتكىزىلدى

ا ق ش-تا جەرلەنگەن جازۋشى مۇحتار ماعاۋيننىڭ قابىرىنە تۋعان جەردىڭ توپىراعى جەتكىزىلدى. بۇل تۋرالى ۆاشينگتوندا تۇراتىن قازاقستاندىق ساپاربەك ناعاشىبەكوۆ الەۋمەتتىك جەلىدە جازدى.

«مۇحتار اتامىزدىڭ ۇلى ەدىگە اعامىز قازاقستانداعى اتا-باباسى جەرلەنگەن جەردەن الىپ كەلگەن توپىراق پەن جۋساندى اتامىزدىڭ قابىرىنە كومدى. بۇل شاراعا قازاقتار قاتىستى. بىرنەشە اي بۇرىن اتامىزدىڭ ا ق ش-تاعى قابىرىنەن توپىراق الىنىپ، قازاقستانداعى اتا-بابالارىنىڭ قاسىنا جەتكىزىلگەن بولاتىن»، - دەدى ول.

ەسكە سالايىق، بيىل قاڭتاردا حالىق جازۋشىسى مۇحتار ماعاۋين 85 جاسقا قاراعان شاعىندا قايتىس بولدى.

مۇحتار ماعاۋين - جازۋشى، قازاق ادەبيەتىن زەرتتەۋشى عالىم. فيلولوگيا عىلىمدارىنىڭ دوكتورى، قازاق ك س ر مەملەكەتتىك سىيلىعىنىڭ لاۋرەاتى (1984)، قازاقستاننىڭ حالىق جازۋشىسى (1996).