جازعى لاگەردە 2 ميلليوننان استام بالا دەمالىسىن وتكىزدى - تامارا دۇيسەنوۆا

жазғы лагерь
Фото: Алматы әкімдігі

استانا. KAZINFORM - كەلەر 3 جىلدا ەلىمىزدە 90-عا جۋىق قوسىمشا ءبىلىم بەرۋ نىسانى اشىلادى. بۇل تۋرالى پرەمەر-ءمينيستردىڭ ورىنباسارى تامارا دۇيسەنوۆا ءمالىم ەتتى.

«بالالاردىڭ وقۋدان تىس ۋاقىتىن ءتيىمدى پايدالانۋىندا قوسىمشا وقۋ وشاقتارىنىڭ ۇلكەن ۇلەسى بارىن وتاندىق پراكتيكامىزدىڭ ءوزى دالەلدەپ وتىر. سوندىقتان مۇنداي وشاقتاردى تەك مەگاپوليستەردە ەمەس، وڭىرلەردە دە اشۋ ماسەلەسىن قولعا الدىق. بىلتىر وڭىرلەردە وسىنداي 12 مەكەمە اشىلسا، الدىمىزداعى 3 جىلدا تاعى 89-ىن سالۋدى قاراستىرىپ وتىرمىز»، - ت. دۇيسەنوۆا ءماجىلىستىڭ جالپى وتىرىسىندا.

سونىمەن قاتار ول بالالاردىڭ جازعى دەمالىسىن ۇيىمداستىرۋ ماسەلەسىنە توقتالدى.

«بىلتىر بۇل ماسەلە بويىنشا دەپۋتاتتار كوپ سىن ايتقان ەدى. بيىل وسى ماسەلە وتە ءجىتى قارالدى. بارلىق وبلىستا شتابتار جۇمىس ىستەپ جاتىر. ءورت قاۋىپسىزدىگى، س ە س تەكسەرۋلەرىنەن جانە بالالارمەن جۇمىس ىستەيتىن ازاماتتارى ارناۋلى تەكسەرۋدەن وتكەن لاگەرلەرگە عانا بالالاردى جىبەرۋگە رۇقسات ەتىلدى. قازىر 121 ماۋسىمدىق، 9638 مەكتەپ جانىنداعى ءارى ارنايى لاگەرلەر بۇگىنگە دەيىن 2 ميلليوننان اسا بالاعا قىزمەت كورسەتتى جانە قىزمەتىن جالعاستىرىپ جاتىر. بالالاردىڭ قاۋىپسىزدىگىن ساقتاۋ ماقساتىندا مەكتەپتە جانە مەكتەپ جانىنداعى جول ينفراقۇرىلىمىن بەيىمدەۋ بويىنشا دا اۋقىمدى جۇمىستار اتقارىلدى»، - دەدى ۇكىمەت باسشىسىنىڭ ورىنباسارى.

اۆتور

رۋسلان عابباسوۆ

سوڭعى جاڭالىقتار