جاز شىققالى بەرى الاكول جاعاسىندا 120 دان استام بالا جوعالعان
وسكەمەن. KAZINFORM - اباي وبلىسى ماقانشى اۋدانىنداعى الاكول جاعاسىندا بالالار ءجيى جوعالىپ كەتىپ جاتىر.
جاز شىعا سالىسىمەن حالىق جاپپاي الاكول جاعاسىنا اعىلادى. جالعىز ەمەس، بالا-شاعاسىمەن باراتىندار دا كوپ. ولاردىڭ اراسىندا قۇجىناعان ءنوپىر اراسىنان بالاسىنان كوز جازىپ قالاتىندار جوق ەمەس.
اباي وبلىسى پوليتسيا دەپارتامەنتىنىڭ مالىمەتىنە سۇيەنسەك، بيىل بالاسىن تابا الماي ءتارتىپ ساقشىلارىنا حابارلاساتىندار جيىلەگەن.
- الاكول جاعالاۋىندا تۋريستىك پوليتسيا قىزمەتكەرلەرى سۋعا ءتۇسۋ ماۋسىمى باستالعالى بەرى بالالاردىڭ جوعالۋىنا بايلانىستى ءجيى حابار ءتۇستى. اسىرەسە اربات اۋماعىنداعى ادام كوپ جينالاتىن ورىنداردا اتا-انالار بالالارىن جوعالتىپ الادى. ماۋسىم- شىلدە ايلارى ارالىعىندا وسىنداي 120 دان استام جاعداي تىركەلگەن. ابىروي بولعاندا، بارلىق بالا دەر كەزىندە تابىلىپ، اتا-انالارىنا امان-ەسەن جەتكىزىلدى، - دەلىنگەن اقپاراتتا.
