جايىق وزەنىنىڭ دەڭگەيى ورالدا 34 سانتيمەترگە كوتەرىلىپ، قاۋىپتى شەككە جاقىندادى

ورال. KAZINFORM - جايىق وزەنىنىڭ دەڭگەيى ورال قالاسى تۇسىندا ءبىر تاۋلىكتە 34 سانتيمەترگە كوتەرىلدى.

«قازگيدرومەت» ر م ك ب ق و فيليالىنىڭ 20-ءساۋىر كۇنگى ساعات 08.00-دەگى مالىمەتى بويىنشا قالاداعى گيدروبەكەتتە سۋ دەڭگەيى 828 سانتيمەترگە جەتىپ، قاۋىپتى شەككە (850 س م) تاياپ قالدى.

بايتەرەك اۋدانى يانۆارتسيەۆ اۋىلىندا 899 (قاۋىپتى شەگى - 1250 س م)، كوشىمدە 804 (850 س م)، تايپاقتا 504 (9+) سانتيمەتردى كورسەتتى.

سونىمەن قاتار جايىققا قۇياتىن شاعان وزەنىنىڭ دەڭگەيى بايتەرەك اۋدانى چۋۆاشين اۋىلى تۇسىندا 16 سانتيمەترگە جوعارىلاعان (713 س م، قاۋىپتى شەگى - 1300 س م).

ورال قالاسى اكىمدىگىنەن الىنعان مالىمەتكە قاراعاندا، قازىرگى تاڭدا وزەن جايىلمالارىندا ورنالاسقان ساياجايلاردان تۇرعىنداردى كوشىرۋ جۇمىستارى جالعاسۋدا.

ەسكە سالا كەتەيىك، بۇدان بۇرىن ب ق و تۇرعىنىنىڭ ۇيلەرىنە امان ورالعانىنا شۇكىرشىلىك ەتىپ وتىرعانىن جازعان ەدىك.

اۆتور

عايساعالي سەيتاق