جايىق سۋى اتىراۋدا 6 مەترگە جەتتى
اتىراۋ. KAZINFORM - بۇگىن جايىق وزەنىندەگى سۋ دەڭگەيى اتىراۋ قالاسىندا 6 مەترگە جەتتى. ءبىراق بۇل ءالى شارىقتاۋ شەگى ەمەس.
اتىراۋ وبلىسىنىڭ توتەنشە جاعدايلار دەپارتامەنتى باسشىسىنىڭ ورىنباسارى رۋسلان شارييەۆتىڭ ايتۋىنشا، سوڭعى كۇندەرى جايىق وزەنىنىڭ سۋى ماحامبەت اۋدانىندا شارىقتاۋ شەگىنە جەتكەن.
«ال اتىراۋ قالاسىندا جايىق وزەنىندەگى سۋ دەڭگەيى 6 مەترگە دەيىن كوتەرىلىپ تۇر. مول سۋ ءالى كەلىپ جاتىر. سۋ تاسقىنى ماحامبەت اۋدانىنان بەرى اققان اققان سۋ جايىق وزەنىنىڭ اتىراۋ قالاسىنا دەيىنگى بولىگىن تولتىرىپ، سوكولوك جانە سارىوزەك كانالدارىنا دا قۇيىلىپ جاتىر. قازىر سۋ كانالداردىڭ ارناسىنا سىيماي تۇر. ازىرگە اتىراۋ قالاسىندا سۋ تاسقىنى باستالاتىن ۋاقىتتى ناقتى بولجاي المايمىز»، - دەدى رۋسلان شارييەۆ.
ەسكە سالا كەتەلىك، بۇعان دەيىن تاسقىن سۋ اتىراۋدىڭ سولتۇستىك بولىگىندەگى ەلدى مەكەندەرگە قاۋىپ ءتوندىرىپ تۇرعانىن جازعان بولاتىنبىز.
اۆتور
عايساعالي سەيتاق
