جاياۋ ءجۇرۋ قاتەرلى ىسىك قاۋپىن ازايتادى - عالىمدار

الەمدە جىل سايىن 20 ميلليون ادام قاتەرلى ىسىككە شالدىعادى. سونىڭ ىشىندە تەرى، وكپە، ءسۇت بەزى، جاتىر موينى وبىرى ءجيى كەزدەسەدى.

مامانداردىڭ ايتۋىنا قاراعاندا ونكولوگيالىق اۋرۋدىڭ اسقىنۋىنا سپيرتتىك ىشىمدىكتەر ءىشۋ، شىلىم شەگۋ جانە اۋانىڭ لاستانۋى سەبەپ. دەرەككە سۇيەنسەك، بۇگىندە شامامەن ءار بەسىنشى ادامعا قاتەرلى ىسىك دياگنوزى قويىلادى. دەرتتىڭ الدىن الۋ جولى قانداي؟ اتى جامان اۋرۋمەن كۇرەسۋدىڭ قانداي وزىق تاجىريبەلەرى بار؟ الداعى 20 جىلدا الەم بويىنشا دەرتكە شالدىققان ناۋقاستاردىڭ سانى %55 ارتۋى مۇمكىن.

 وبىردى زەرتتەۋ جونىندەگى حالىقارالىق اگەنتتىكتىگى وسىنداي بولجام جاساپ وتىر. جازدا تەرى وبىرىنا شالدىعۋ قاۋپى جوعارى جاز كەلە ساياحاتتاۋ ماۋسىمى قىزىپ، ادامدار سۋعا شومىلىپ، كۇنگە قىزدىرىنادى. سوندىقتان ماماندار بۇل مەزگىلدە كۇننەن بارىنشا قورعانۋعا شاقىرادى. ويتكەنى جاز ايلارىندا تەرى قاتەرلى ىسىگىنە شالدىعۋ قاۋپى جوعارى بولادى. كۇننەن بولىنەتىن ۋلتراكۇلگىن ساۋلەنىڭ دەڭگەيى ارتادى. ەگەر ونىڭ يندەكسى +6 مەن 11 ءدىڭ ارالىعىندا بولسا بۇل ادام دەنساۋلىعى ءۇشىن وتە قاۋىپتى. دۇنيەجۇزىلىك دەنساۋلىق ساقتاۋ ۇيىمىنىڭ دەرەگىنە سۇيەنسەك، الەمدە جىل سايىن 3 ميلليونعا جۋىق ادام تەرى قاتەرلى ىسىگىنە شالدىعادى. سونىڭ ىشىندە «مەلانوما» دياگنوزى جىلىنا شامامەن 130000 ادامعا قويىلادى. ول اسىرەسە بالالار مەن ورتا جاستاعى ەرەسەكتەردە ءجيى كەزدەسەدى.

مامانداردىڭ ايتۋىنا قاراعاندا ەگەر بالا كىشكەنتاي كەزىندە كۇنگە بىرنەشە رەت كۇيگەن بولسا، بۇل وسە كەلە مەلانوماعا شالدىعۋ قاۋپىن 2-3 ەسە ارتتىرادى.

«ءبىز قاتەرلى ىسىك اۋرۋلارىن ناۋقاسقا جاس كەزىندە قانداي دياگنوز قويىلعانىنا قاراپ انىقتايمىز. وعان شالدىعۋ قاۋپى ءبىزدىڭ مىنەز- قۇلقىمىز بەن ءومىر سالتىمىزعا تىكەلەي بايلانىستى. ويتكەنى قوعام وزگەرگەن سايىن ادامنىڭ ءومىر ءسۇرۋ داعدىسى دا وزگەرەدى. سوندىقتان ونى ءاردايىم قاداعالاپ وتىرۋ ماڭىزدى» - ۆيلار- سانچەس، ونكولوگ دارىگەر.

 الەمدە 2,5 ميلليون ادام وكپە وبىرىنا شالدىققان دۇنەجۇزىلىك دەنساۋلىق ساقتاۋ ۇيىمىنىڭ دەرەگىنە سۇيەنسەك، الەمدە وكپە وبىرىنا شالدىققاندار كوپ. ولاردىڭ سانى 2,5 ميلليوننان اسادى. بۇل ونكولوگيالىق اۋرۋلاردىڭ %13 ءى. ال ءسۇت بەزى وبىرى 2 ميلليون 300 مىڭ ادامنىڭ دەرتىنە اينالعان. سونداي- اق كولورەكتالدىق وبىر، قۋىقاستى بەزى وبىرى، اسقازان جانە جاتىر موينى وبىرى - ەڭ ءجيى كەزدەسەتىن قاتەرلى ىسىك تۇرلەرى.

- وكپە وبىرى - 2500000 - ءسۇت بەزى وبىرى - 2300000 - كولورەكتالدىق وبىر - 1900000 - قۋىق استى بەزى وبىرى - 1500000 اسقازان وبىرى - 970000 - جاتىر موينى وبىرى - 604000

دەرەككوز: دۇنيەجۇزىلىك دەنساۋلىق ساقتاۋ ۇيىمى جاياۋ ءجۇرۋ قاتەرلى ىسىك ءقاۋپىن ازايتادى عىلىم مەن تەحنولوگيا دامىعان سايىن قاتەرلى ىسىكتى جەڭۋدىڭ جولدارى دا كوبەيىپ كەلەدى. يممۋنوتەراپيا، ءتۇرلى ۆاكسينالار، نانوتەحنولوگيا - مۇنىڭ ءبارى قازىر مەديتسينادا كەڭىنەن قولدانىلىپ جۇرگەن ادىستەر. عالىمدار كوپ جاعدايدا قاتەرلى ىسىككە شالدىعۋ جۇقپالى اۋرۋلاردىڭ سالدارىنان بولاتىنىن ەسكەرتەدى. سوندىقتان وبىردىڭ الدىن الۋ ءۇشىن ەڭ الدىمەن تەكسەرىستەن ۋاقىتىلى ءوتىپ تۇرۋ قاجەت. سونداي-اق قاراپايىم كۇندەلىكتى جاياۋ ءجۇرۋ قاتەرلى ىسىك قاۋپىن اناعۇرلىم ازايتادى. مۇنى وكسفورد ۋنيۆەرسيتەتىنىڭ عالىمدارى دالەلدەدى. ولار 85 مىڭ ادامعا ارنايى قۇرىلعى تاعىپ، قيمىل- قوزعالىسىن باقىلاعان. 6 جىل جۇرگىزىلگەن زەرتتەۋ ناتيجەسى كۇنىنە 7 مىڭ قادام ءجۇرۋ %11، ال 9 مىڭ قادام جاساۋ وبىر قاۋپىن %16 ازايتاتىنىن كورسەتتى.

 https://24.kz