جاپونيادا جاساندى ينتەللەكت كومەگىمەن جاسالعان مانگا جارىققا شىقتى
جاپونيانىڭ Kyodo اقپارات اگەنتتىگىنىڭ حابارلاۋىنشا، اتاقتى جاپون مانگا سۋرەتشىسى وسامۋ تەزۋكانىڭ جاساندى ينتەللەكت تەحنولوگياسىنىڭ كومەگىمەن جاسالعان جاڭا تۋىندىسى «قارا جەك» جاپونيادا 20- قاراشا كۇنى رەسمي جاريالاندى.
«قارا جەك» - تەزۋكانىڭ تۋىندىسى، ول ليتسەنزياسىز مەديتسينامەن اينالىساتىن دانىشپان حيرۋرگ تۋرالى باياندايدى.
بۇل شىعارمانىڭ ۇزدىكسىز شىعىپ جاتقانىنا 50 جىل بولدى.
بۇل جولى جارىق كورگەن «ماشينانىڭ جۇرەگى — Heartbert Mark 2» دەپ اتالاتىن جاڭا حيكايا 32 بەتتەن تۇرادى. وسى شىعارىلىم تۋىندىنىڭ 50 جىلدىعىنا ارنالعان.
جاڭا حيكايانىڭ نەگىزگى مازمۇنى - ادام مەن AI تەحنولوگياسىنىڭ ۇيلەسىمىن زەرتتەۋ جانە «ادام دەگەنىمىز نە؟» دەگەن سۇراققا جاۋاپ ىزدەۋ.
اقپارات اگەنتتىگىنىڭ حابارلاۋىنشا، اڭگىمەنىڭ نەگىزگى قۇرىلىمى تەزۋكا وسامۋدىڭ كوزى تىرىسىندە جازعان مازمۇنىنا نەگىزدەلگەن، سوسىن AI ءتىلىنىڭ سوڭعى ۇلگىسى «GPT4» وسى قۇرىلىم نەگىزىندە ەگجەي-تەگجەيلى سيۋجەت جاساعان جانە سۋرەتتەردىڭ سىزبا جۇمىسىن AI دەربەس ورىنداعان.
جاڭا اڭگىمەنىڭ اتاۋىن دا AI ءوز بەتىنشە بەلگىلەگەن.
وسامۋ تەزۋكانىڭ ۇلكەن ۇلى، وسى جوباعا جاۋاپتى رەجيسسەر ماكوتو تەزۋكا AI جاساعان جاڭا تۋىندىعا ۇلكەن ريزاشىلىعىن ءبىلدىردى.
«AI وقيعانى جاساعان كەزدە تەزۋكا شىعارمالارىنىڭ نەگىزگى تاقىرىبى - بيولوگيالىق ءومىردىڭ قادىر-قاسيەتىن وقيعاعا وتە كەرەمەت كەلتىرىپتى. AI شىنىمەن وسامۋ تەزۋكا ستيلىمەن مانگا جاساعانىنا وتە قۋانىشتىمىن»، - دەدى ماكوتو تەزۋكا.
وسامۋ تەزۋكا (جاپون. 手塚 治虫 Tezuka Osamu ،3 قاراشا 1928 ج.، تويوناكا – 9- اقپان 1989، توكيو) - جاپون مانگاشى، انيماتور، مەديتسينا عىلىمدارىنىڭ كانديداتى.
وسامۋ تەزۋكا مانگا مەن انيمەنىڭ دامۋىنا زور ۇلەس قوستى.
ءوزىنىڭ مانسابىندا 500 گە جۋىق مانگا جاسادى، ول ءۇشىن كوپتەگەن سىيلىقتار مەن ماراپاتقا يە بولدى.
تەزۋكانى وقىرماندار «مانگا قۇدايى» دەپ اتايدى، ويتكەنى ونىڭ جۇمىسى جاپونيادا سايكەس ستيل ترەندتەرىن تانىمال ەتتى.
