جاپونيادا بيىكتىگى 50 س م دەيىن سۋنامي تىركەلدى
استانا. KAZINFORM - سارسەنبى كۇنى جاپونيا رەسەيدەگى كامچاتكادا بولعان كۇشتى جەر سىلكىنىسىنەن كەيىن ەلدىڭ تىنىق مۇحيتى جاعالاۋىندا سۋنامي قاۋپى تۋرالى جاريالادى، دەپ حابارلايدى Kyodo News.
جاپونيانىڭ سولتۇستىك جانە شىعىس بولىگىندە بيىكتىگى 50 سانتيمەترگە جەتەتىن تولقىندار تىركەلدى.
سۋنامي تۋرالى ەسكەرتۋ جاعالاۋ بويىنداعى تەمىرجول جانە اۋە قاتىناسىن ءۇزدى، سونداي-اق «فۋكۋسيما-1» ا ە س وپەراتورىن تىنىق مۇحيتىنا تازارتىلعان راديواكتيۆتى سۋدى جىبەرۋدى توقتاتۋعا ءماجبۇر ەتتى.
جاپونيانىڭ مەتەورولوگيالىق باسقارماسى سولتۇستىكتەگى حوككايدودان باتىستاعى ۆاكاياما پرەفەكتۋراسىنا جانە وڭتۇستىگىندەگى وگاساۆارا ارالدارىنا دەيىنگى اۋدانداردا سۋنامي تولقىندارى بولۋى مۇمكىن ەكەنىن ەسكەرتتى. ول ەسكەرتۋدىڭ كۇنى بويى كۇشىندە قالۋى مۇمكىن ەكەنىن قوسىپ ءوتتى.
مياگي پرەفەكتۋراسىنداعى يسينوماكي پورتىندا بيىكتىگى 50 س م (20 ديۋيم) سۋنامي، ال يباراكي پرەفەكتۋراسىنىڭ واراي قالاسىندا بيىكتىگى 40 س م (16,5 ديۋيم) تولقىن تىركەلدى.
پرەمەر- مينيستر سيگەرۋ يسيبا حالىق قاۋىپسىزدىگىن قامتاماسىز ەتۋ ءۇشىن بارلىق شارانى قولدانۋعا ۋادە بەرىپ، مينيسترلىكتەر مەن ۆەدومستۆولارعا سۋناميدەن بولۋى مۇمكىن زالالدى بارىنشا ازايتۋدى تاپسىردى.
جاپونيا قورعانىس مينيسترلىگى اقپارات جيناۋ ءۇشىن تىنىق مۇحيتى جاعالاۋىنا ۇشاقتار جىبەردى.
ەسكە سالا كەتسەك، 28 -شىلدەدە كامچاتكادا كۇشتى جەر سىلكىنىسى بولعانىن جازعان ەدىك.
