جاپونيادا العاش رەت ج ي كومەگىمەن مي سيگنالدارىنا نەگىزدەلگەن سۋرەت جاسالدى

جاپونيالىق ماماندار الەمدە العاش رەت گەنەراتيۆتى جاساندى ينتەللەكت (ج ي) كومەگىمەن ادام ميىنداعى سيگنالداردى وڭدەۋ ارقىلى سۋرەت جاساپ شىعارۋعا مۇمكىندىك بەرەتىن تەحنولوگيا ويلاپ تاپتى. Kazinform بۇل تۋرالى ت ا س س- قا سىلتەمە جاساپ حابارلايدى.

تاجىريبە بارىسىندا ۇلتتىق كۆانتتىق عىلىمدار جانە تەحنولوگيالار ينستيتۋتىنىڭ زەرتتەۋ توبى ادام نىسانداردى، لاندشافتتاردى كورىپ جاتقان ساتتەگى مي سيگنالدارىن تىركەدى. تاجىريبەگە قاتىسۋشىلارعا شامامەن 1200 سۋرەت كورسەتىلدى. سونداي- اق مي بەلسەندىلىگى فۋنكتسيونال ماگنيتتىك- رەزونانستىق توموگرافيا (مرت) كومەگىمەن تالداندى.

سۋرەتتەر ج ي بازاسىنا جۇكتەلىپ، وعان سۋرەتتەردى مي سيگنالدارىمەن سايكەستەندىرىپ ۇيرەنۋ مىندەتى قويىلدى، دەپ حابارلادى Kyodo اگەنتتىگى.

بۇعان دەيىن جۇرگىزىلگەن زەرتتەۋ ادام كورگەن سۋرەتتەر فۋنكتسيونالدىق م ر ت كومەگىمەن وڭدەلگەن مي سيگنالدارى نەگىزىندە قايتا قۇرىلۋى مۇمكىن ەكەنىن كورسەتكەن بولاتىن. دەگەنمەن مۇنداي تاسىلمەن شەكتەۋلى سۋرەتتەردى عانا جاڭعىرتۋ مۇمكىن بولعان. ەندى جاپونيالىق عالىمدار الدىڭعى جەتىستىكتەردى نەگىزگە الا وتىرىپ مي سيگنالدارىن ساندىق سيپاتقا اۋىستىرىپ، سول ارقىلى ۇيرەتىلگەن جاساندى ينتەللەكت سۋرەت جاساپ شىعاتىن باعدارلاما ويلاپ تاپتى.

سۋرەتتەردىڭ ىشىندە لەوپاردتىڭ بەينەسى ەڭ شىنايى بولدى. وندا قۇلاعى، اۋزى، الا تەرىسى انىق بەينەلەنگەن.

عالىمداردىڭ پىكىرىنشە، بۇل تەحنولوگيانى بايلانىس قۇرالدارىن جاساعاندا جانە گالليۋتسيناتسيا مەن ادامنىڭ ءتۇسىن ءتۇسىنۋ ءۇشىن پايدالانۋعا بولادى.

اۆتور

بالنۇر قوجاگەلدى