جاپونيا تۋريستەر ءۇشىن تانىمال باعىتقا اينالدى

استانا. KAZINFORM - جاپونيا ۇكىمەتىنىڭ جاريالاعان دەرەكتەرىنە سايكەس، 2025 -جىلدىڭ العاشقى التى ايىندا ەلگە 21,5 ميلليون شەتەلدىك تۋريست بارعان. بۇل - رەكوردتىق كورسەتكىش، دەپ حابارلايدى Kyodo News.

جاپونيانىڭ ۇلتتىق تۋريزم ۇيىمىنىڭ مالىمەتىنشە، وتكەن جىلى 17,78 ميلليون ادام بولعان الدىڭعى رەكوردتان اسىپ تۇسكەن.

تەك ماۋسىم ايىندا جاپونياعا 3,38 ميلليون شەتەلدىك تۋريست بارعان. بۇل وتكەن جىلمەن سالىستىرعاندا 7,6 پايىزعا كوپ.

جارتى جىلدىڭ ىشىندە جاپونياعا ەڭ كوپ تۋريست وڭتۇستىك كورەيا مەن قىتايدان بارعان.

الايدا تۋريستەر اعىنىنىڭ كۇرت ارتۋى ءبىرقاتار ماسەلەگە دە سەبەپ بولدى. سونىڭ ىشىندە ەڭ وزەكتىسى - بەلگىلى ءبىر باعىتتاردا شەكتەن تىس تۋريزمنىڭ ارتۋى جەرگىلىكتى تۇرعىنداردىڭ ءومىر ءسۇرۋ ساپاسىنا كەرى اسەر ەتىپ وتىر.

سونىمەن قاتار، جاپونيانىڭ تۋريزم باسقارماسىنىڭ باعالاۋىنشا، شەتەلدىك تۋريستەردىڭ ءساۋىر مەن ماۋسىم ارالىعىنداعى جالپى شىعىنى شامامەن 2,5 تريلليون يەن (شامامەن 16,8 ميلليارد ا ق ش دوللار) بولعان. بۇل وتكەن جىلدىڭ سايكەس كەزەڭىمەن سالىستىرعاندا 18 پايىزعا جوعارى.

ورتا ەسەپپەن ءبىر تۋريست جاپونيادا 239000 يەن (شامامەن 851000 تەڭگە) جۇمساعان. ەڭ كوپ شىعىن جاساعاندار - ۇلى بريتانيا ازاماتتارى، ولار شامامەن 444000 يەن جۇمساعان. ودان كەيىنگى ورىنداردا - يتاليالىقتار (398000 يەن) جانە نەمىستەر (396000 يەن).