جاپونيا تاريحىندا العاش رەت ايەل ادميرال اتاندى
جاپونيانىڭ قورعانىس مينيسترلىگى ەل تاريحىندا العاش رەت ايەلگە جوعارى ادميرال اتاعىن بەرۋ جونىندە شەشىم قابىلدادى. بۇل تۋرالى مينيسترلىكتىڭ باسپا ءسوز قىزمەتى مالىمدەدى، دەپ حابارلايدى Kazinform تاسس اگەنتتىگىنە سىلتەمە جاساپ.
بۇرىن ۆيتسە-ادميرال شەنىمەن اعا اسكەري-تەڭىز كۇشتەرىنىڭ كوماندالىق قۇرامىن دايىنداۋ مەكتەبىن باسقارعان 57 جاستاعى ناسۋە كوندو جوعارى ادميرال اتاندى. قازىر ول جاپون جاعالاۋىنداعى قورعانىس كۇشتەرىنىڭ قولباسشىسى قىزمەتىن اتقارادى.
ەلدەگى قۇرلىق پەن اۋە كۇشتەرىندە دە ايەلدەر گەنەرالدىق دارەجەسىنىڭ جوعارى دەڭگەيىنە كوتەرىلگەن ەمەس.
قازىرگى ۋاقىتتا جاپونيانىڭ قورعانىس مينيسترلىگى قارۋلى كۇشتەردەگى قولباسشىلىق لاۋازىمدارداعى ايەلدەردىڭ سانىن ارتتىرۋ باعدارلاماسىن جۇزەگە اسىرىپ جاتىر. 2025 -جىلعا قاراي ولار مايور جانە ودان جوعارى شەندەگى وفيتسەرلەر مەن گەنەرالداردىڭ كەمىندە 5 پايىزىن قۇراۋى ءتيىس.
2018 -جىلدىڭ ناۋرىز ايىندا ءبىرىنشى دارەجەلى كاپيتان رەكو ادزۋما ءتورت اسكەري كەمە، سونىڭ ىشىندە جاپونيانىڭ ەڭ ءىرى تىكۇشاق تاسىمالداۋشىسى يدزۋمو توبىنا قولباسشىلىق ەتكەن تاريحتاعى العاشقى ايەل بولدى. قازىرگى ۋاقىتتا كەمە قىسقا ۇشۋى جانە ۆەرتيكال قونۋى بار F-35B جويعىش-بومبالاۋشى ۇشاقتارىن تاسىمالدايتىن جەڭىل ۇشاق تاسىعىشقا اينالدىرىلىپ جاتىر.
اۆتور
جاراسقان نۇرىبايەۆ
