جاپونيا ايەلدەردىڭ ءومىر ءسۇرۋ ۇزاقتىعى بويىنشا تاعى رەكورد ورناتتى

استانا. KAZINFORM - جاپونيانىڭ دەنساۋلىق ساقتاۋ مينيسترلىگى 2024 -جىلى ايەلدەردىڭ ورتاشا ءومىر ءسۇرۋ ۇزاقتىعى 87,13 جاستى، ال ەر ادامدار ءۇشىن 81,09 جاستى قۇراعانىن مالىمدەدى، دەپ حابارلايدى oxu.az.

مالىمدەمەگە سايكەس، جاپونيا ايەلدەر اراسىنداعى ءومىر ءسۇرۋ ۇزاقتىعى بويىنشا 40-رەت الەمدىك رەكورد ورناتتى.

كورسەتكىشتەر وتكەن جىلمەن سالىستىرعاندا ءىس جۇزىندە وزگەرىسسىز قالدى: ايەلدەردىڭ ءومىر ءسۇرۋ ۇزاقتىعى نەبارى 0,01 پايىزعا ارتتى، ال ەرلەردىكى 2023 -جىلعى دەڭگەيدە قالدى.

ايەلدەر اراسىنداعى كوشباسشىلىققا قاراماستان، جاپوندىق ەر ادامدار ءومىر ءسۇرۋ ۇزاقتىعى بويىنشا الەمدە شۆەتسيا، شۆەيتساريا، نورۆەگيا جانە ت. ب. ەلدەردەن كەيىن التىنشى ورىندا تۇر.

جاپونيا دەنساۋلىق ساقتاۋ مينيسترلىگىنىڭ مالىمەتىنشە، سوڭعى ءبىر جىلدا ەلدە جۇرەك-قان تامىرلارى اۋرۋلارىنان بولاتىن ءولىم-ءجىتىم ازايعان. سونىمەن قاتار، جاپونيادا ادامدار تابيعي سەبەپتەردەن ءجيى ولەدى.

مينيسترلىك ەلدەگى ءومىر ءسۇرۋ ۇزاقتىعىنىڭ ءوسۋى COVID-19 ۆيرۋسىنان قايتىس بولعاندار سانىنا بايلانىستى باياۋلادى دەپ ءتۇسىندىردى. 2023 -جىلى كورسەتكىش تەڭەسە باستاعان.

ەسكە سالا كەتەيىك، جاپونيادا 60 جاستان اسقان اجەلەردى «جالعا الۋ» قىزمەتى تانىمال بولىپ كەلەدى.

اۆتور

بەگابات ۇزاقوۆ