جاپونيا 2011-جىلدان بەرى العاش رەت ا ە س سالماق
استانا. KAZINFORM - جاپونيا 2011-جىلدان بەرى العاشقى اتوم ەلەكتر ستانتسياسىن سالۋعا دايىندالىپ جاتىر، دەپ حابارلايدى NHK.
Kansai Electric Power Co. ەنەرگەتيكالىق كومپانياسى «ميحاما» اتوم ەلەكتر ستانتسياسىنىڭ ءبىرىنشى ەنەرگوبلوگىن قايتا قۇرۋعا دايىندىق اياسىندا گەولوگيالىق زەرتتەۋلەر مەن باسقا دا ءتيىستى جۇمىستاردى جۇرگىزەدى.
«ميحاما» ا ە س- ءى - فۋكۋي پرەفەكتۋراسىندا ورنالاسقان.
جاڭا نەمەسە اۋىستىرىلاتىن ەنەرگوبلوك سالىنسا، بۇل 2011-جىلى فۋكۋسيما ا ە س- ءى اپاتىنان كەيىنگى العاشقى اتوم ەلەكتر ستانتسياسى جوباسى بولاتىنى ناقتىلاندى.
تەلەارنا اقپارات كوزدەرىنىڭ حابارلاۋىنشا، ەنەرگەتيكالىق كومپانيا تامىز ايىندا زەرتتەۋ جۇمىستارىنىڭ باستالۋى تۋرالى رەسمي مالىمدەمە جاسايدى دەپ كۇتىلىپ وتىر.
ەسكە سالا كەتەيىك، جاپونيادا ەكى ارال ءۇش كۇننىڭ ىشىندە ءبىر-بىرىنەن 10 سانتيمەترگە الىستاپ كەتتى.
