جاسىل باناننىڭ ءبىز بىلمەيتىن پايداسى

استانا. KAZINFORM - مەديتسينا عىلىمدارىنىڭ دوكتورى اندرەي تياجەلنيكوۆ جاسىل بانانداردىڭ قانداي قاسيەتتەرى بار ەكەنىن ءتۇسىندىردى. ول بۇل جەمىستىڭ كۇتپەگەن پايداسى تۋرالى ريا نوۆوستي اگەنتتىگىنە بەرگەن سۇحباتىندا ايتتى.

تياجەلنيكوۆتىڭ ايتۋىنشا، جاسىل بانانداردا سارى باناندارعا قاراعاندا قانت از بولادى. سونىمەن قاتار، پىسپەگەن بانانداردا ميكروبيوم مەن اس قورىتۋعا پايدالى رەزيستەنتتى كراحمال، سونداي-اق س دارۋمەنى مەن انتيوكسيدانتتار كوپ.

دارىگەردىڭ سوزىنشە، جاسىل باناندار قانت ديابەتىمەن اۋىراتىن ادامدارعا ۇسىنىلادى، ويتكەنى ولار قانداعى قانت دەڭگەيىن تۇراقتاندىرۋعا كومەكتەسەدى.

سونداي-اق مامان تىم ءپىسىپ كەتكەن بانانداردىڭ قاسيەتى وزگەشە ەكەنىن اتاپ ءوتتى: ولار قانداعى گليۋكوزا دەڭگەيىن تەز كوتەرەدى، سوندىقتان ديابەتپەن اۋىراتىن ادامدارعا ولاردى جەۋگە بولمايدى. تياجەلنيكوۆتىڭ ايتۋىنشا، قاتتى پىسكەن بانانداردا از مولشەردە سپيرت تە بولۋى مۇمكىن جانە ولار ءسال اشۋى ىقتيمال. دەگەنمەن مۇنداي جەمىستەر پىسىرۋگە نەمەسە مۇزداتۋعا جاقسى كەلەدى.