جاسىبايدىڭ «ماحاببات ارالىنا» ءجۇزىپ بارعان 7 ادام قايتا ورالا الماعان
استانا. KAZINFORM - وقىس وقيعا پاۆلودار وبلىسىنا قاراستى باياناۋىل اۋدانىنداعى جاسىباي كولىندە بولدى، دەپ حابارلايدى وبلىستىق ت ج د باسپا ءسوز قىزمەتى.
ۆەدومستۆو مالىمەتىنشە، قۇتقارىلعانداردىڭ اراسىندا ءۇش بالا بار.
- پاۆلودار وبلىسى باياناۋىل اۋدانىنداعى جاسىباي كولىندە ت ج م جەدەل-قۇتقارۋ جاساعىنىڭ قۇتقارۋشىلارى قايىق پەن كاتامارانمەن «ماحاببات ارالىنا» ءجۇزىپ بارعان 7 ادامدى، ونىڭ ىشىندە 3 بالانى قۇتقاردى. اۋا رايىنىڭ كۇرت ناشارلاۋىنا بايلانىستى - قاتتى جاڭبىر مەن داۋىلدى جەل كەزىندە - دەمالۋشىلار جاعالاۋعا وزدىگىنەن قايتا ورالا المادى. قۇتقارۋشىلاردىڭ ۇيلەسىمدى جانە جەدەل ارەكەتتەرىنىڭ ارقاسىندا بارلىق ازامات قاۋىپسىز جەرگە جەتكىزىلدى. مەديتسينالىق كومەك قاجەت بولمادى، - دەلىنگەن حابارلامادا.
ت ج م سۋ ايدىندارىندا دەمالعاندا قاۋىپسىزدىك ەرەجەلەرىن ساقتاپ، اۋا رايى بولجامىن الدىن الا ءبىلىپ بارۋدىڭ قاجەتتىگىن ەسكە سالادى.
