جاساندى ينتەللەكت، وقۋشىلارعا سىياقى: جاڭا وقۋ جىلىندا قانداي وزگەرىستەر بار
استانا. KAZINFORM - بيىل 1- قىركۇيەك جەكسەنبى كۇنگە ءتۇسىپ تۇر. وسىعان وراي وقۋ-اعارتۋ ءمينيسترى عاني بەيسەمبايەۆ ءبىلىم كۇنىنىڭ دەمالىسقا سايكەس كەلۋىنە قاتىستى تۇسىنىكتەمە بەردى.
«1- قىركۇيەك - داستۇرگە سايكەس ءبىلىم كۇنى. سوندىقتان بيىل دا جىلداعىداي العاشقى قوڭىراۋ سالتاناتتى شاراسى وتەدى»، - دەدى مينيستر.
بۇل تۇرعىدا ءبىلىم كۇنىنە ارنالعان سالتاناتتى ءىس- شارا ەلىمىزدىڭ بارلىق وڭىرلەرىندە ءداستۇرلى تۇردە 1 -قىركۇيەكتە وتەتىنى ناقتىلاندى.
ءبىرىنشى جانە 11- سىنىپ ءۇشىن 1- قىركۇيەكتە «مەكتەبىم - مەيىرىم مەكەنى» تاقىرىبىندا سالتاناتتى شارا وتەدى. ال 2 -قىركۇيەكتە - جاڭا وقۋ جىلىنىڭ ءبىرىنشى كۇنى - «مەنىڭ وتانىم - قازاقستان» تاقىرىبىندا ءبىرىڭعاي سىنىپ ساعاتىمەن باستالىپ، ءارى قاراي ساباق كەستەسىنە سايكەس جالعاسادى.
جاڭا وقۋ جىلىندا 4 ميلليونعا جۋىق بالا ءبىلىم الادى
جاڭا 2024-2025 وقۋ جىلىندا 351176 بالا 1-سىنىپقا قابىلداندى جانە ونىڭ 70 پايىزعا جۋىعى مەملەكەتتىك تىلدە وقۋعا نيەت ءبىلدىردى.
ءبىرىنشى سىنىپقا باراتىن وقۋشىلاردىڭ ەڭ كوپ سانى تۇركىستان وبلىسىندا (44 مىڭنان استام)، الماتى وبلىسىندا (34 مىڭ)، استانا قالاسىندا (26 مىڭنان استام) تىركەلگەن. 2024-2025 وقۋ جىلىندا 7859 مەكتەپتە 3,9 ميلليوننان استام بالا ءبىلىم الادى. سونىمەن قاتار، 11-سىنىپتا وقيتىنداردىڭ سانى دا رەكوردتىق كورسەتكىشكە جەتتى - 219 مىڭنان استام بالا.
جالپى، جاڭا وقۋ جىلىندا 1-سىنىپقا 369 مىڭ بالا قابىلدانادى دەپ ەسكەرىلگەن. بۇل رەتتە، 25 -تامىزعا دەيىن بارلىق وقۋلىقتار وڭىرلەرگە جەتكىزىلۋى ءتيىس. الەۋمەتتىك وسال ساناتتاعى وتباسىلاردان شىققان بالالارعا تەگىن تاماق بەرۋدى ۇيىمداستىرۋ جانە الەۋمەتتىك كومەك كورسەتۋ ماسەلەلەرىنە ەرەكشە نازار اۋدارىلىپ وتىر.
تاماق
«1 -قىركۇيەكتەن باستاپ 1,7 ميلليون وقۋشى تەگىن تاماقتاناتىن بولادى. جىل سايىن الەۋمەتتىك وسال ساناتتاعى وتباسىلارعا كومەك كورسەتىلەدى. بيىل 510 مىڭ بالا مەكتەپكە دايىندالۋ ءۇشىن ءتيىستى كومەكپەن قامتىلدى. وسى ماقساتتا بيۋدجەتتەن 22,6 ميلليارد تەڭگە قاراستىرىلعان»، - دەدى وقۋ-اعارتۋ ءمينيسترى.
وقۋشىلاردىڭ دەمالىسى
ق ر وقۋ-اعارتۋ مينيسترلىگى ورتا ءبىلىم بەرۋ ۇيىمدارىندا 2024- 2025 وقۋ جىلىنىڭ باستالۋ مەرزىمىن، ۇزاقتىعىن جانە كانيكۋل كەزەڭدەرىن بەكىتتى.
ورتا ءبىلىم بەرۋ ۇيىمدارىندا 2024 - 2025 وقۋ جىلى 1 -قىركۇيەكتە باستالىپ 25 -مامىردا اياقتالادى. ءبىرىنشى توقساندا وقۋ ۋاقىتى 8 اپتا. كۇزگى كانيكۋل 28 -قازاننان باستاپ 3 -قاراشانى قوسا العاندا 7 كۇنگە سوزىلادى. ەكىنشى توقساندا وقۋ ۋاقىتى 8 اپتانى قۇرايدى. قىسقى كانيكۋل 2024 -جىلدىڭ 30- جەلتوقسانىندا باستالادى جانە 2025 -جىلدىڭ 8 -قاڭتارىن قوسا العاندا كۇنتىزبەلىك 10 كۇنگە جالعاسادى. ءبىرىنشى سىنىپ وقۋشىلارى ءۇشىن ءۇشىنشى توقساندا 2025 -جىلعى 10 -اقپاننان 16 -اقپاندى قوسا العانداعى ۋاقىتتا ۇزاقتىعى 7 كۇندى قۇرايتىن قوسىمشا دەمالىس بەرىلەدى. ءۇشىنشى توقسان 10 وقۋ اپتاسىنان تۇرادى. ال كوكتەمگى كانيكۋل 2025 -جىلدىڭ 21 -ناۋرىزىنان باستاپ، 31- ناۋرىزعا دەيىن جالعاسادى.
ءتورتىنشى توقساننىڭ ۇزاقتىعى 8 وقۋ اپتاسىن قۇرايدى. سونداي- اق 25 -مامىردا وقۋ جىلى قورىتىندىلانادى.
جاڭا پاندەر ەنگىزىلە مە؟
جاقىندا وقۋ-اعارتۋ ءمينيسترى عاني بەيسەمبايەۆ جاڭا وقۋ جىلىندا مەكتەپ باعدارلاماسىنا ەشقانداي جاڭا ءپان ەنگىزىلمەيتىنىن ايتتى.
«قارجىلىق ساۋاتتىلىق مەكتەپتەردە جەكە ءپان رەتىندە وقىتىلۋى مۇمكىن دەگەن مالىمەتتەر بولعان ەدى. جاڭا وقۋ جىلىندا جاڭا ءپان ەنگىزىلە مە؟»، - دەپ سۇرادى تىلشىلەر استاناداعى اۋىل پەداگوگتەرىنىڭ فورۋمىنان كەيىن.
ءوز كەزەگىندە ع. بەيسەمبايەۆ Amanat پارتياسىنىڭ تاراپىنان سونداي ۇسىنىس بولعانىن ايتادى.
«جاڭا وقۋ جىلىندا ەشقانداي ارتىق، جاڭا پاندەر ەنگىزىلمەيدى. ال قارجىلىق ساۋاتتىلىقتىڭ ماقسات- مىندەتى بولەك. ول جاھاندىق قۇزىرەتتىلىك شەڭبەرىندە بالالاردىڭ قارجىلىق ساۋاتتىلىعىن ارتتىرۋعا ارنالعان قوسىمشا ءبىلىم. ونىڭ قانشالىقتى ماڭىزدى ەكەنىن وزدەرىڭىز دە ستاتيستيكاسىنان كورىپ وتىرسىزدار. ول بۇعان دەيىن دە بارلىق پاندەرگە كىرىكتىرىلگەن بولاتىن. ءبىراق قوعامداعى بەلەڭ العان جاعدايلارعا بايلانىستى، Amanat پارتياسىنىڭ ءوتىنىشى بويىنشا وسى باعىتتاعى جۇمىستى ودان ءارى كۇشەيتىپ قولعا الماقشىمىز»، - دەدى عاني بەيسەمبايەۆ.
مينيستر ەلدەگى مەكتەپتەر بيىل ءبىرتۇتاس تاربيە باعدارلاماسى بويىنشا جۇمىس ىستەيتىنىن ەسكە سالدى.
«ونىڭ ۇستىنە ءبىرتۇتاس تاربيە باعدارلاماسى ەنگىزىلىپ جاتىر. سونىڭ اياسىندا دا وسى قۇزىرەتتەر بەرىلەدى»، - دەدى ۆەدومستۆو باسشىسى.
بيىل ناۋرىزدا وتكەن ۇلتتىق قۇرىلتايدا مەملەكەت باسشىسى بەلگىلەپ بەرگەن مىندەتتەرگە سايكەس اتالعان باعدارلاما جاڭارتىلدى.
ءمينيستردىڭ مالىمدەۋىنشە، جاڭارتىلعان باعدارلاما «ادىلەتتى قازاقستان - جاۋاپتى ازامات - پروگرەسسيۆتى ۇلت» ترياداسى اياسىندا ادامگەرشىلىگى جوعارى، ادال جانە تابىستى تۇلعانى تاربيەلەۋگە باعىتتالعان.
«جاڭارتىلعان باعدارلاما شەڭبەرىندە وڭ قۇندىلىقتار مەن ساپالى قۇزىرەتتەردى قالىپتاستىرۋعا باعىتتالعان ءبىلىم بەرۋ جانە تاربيە جوبالارىن، الەۋمەتتىك پراكتيكالاردى ىسكە اسىرۋ جۇمىستارى جالعاسادى»، - دەيدى ۆەدومستۆو باسشىسى.
ايتا كەتەيىك، ەلىمىزدە شاحماتتى دامىتۋدىڭ 2027 -جىلعا دەيىنگى كەشەندى جوسپارى جۇزەگە اسىپ جاتىر. ونىڭ ءبىر باعىتى - شاحماتتى مەكتەپ باعدارلاماسىنا ۆارياتيۆتى كومپونەنت رەتىندە ەنگىزۋ. بىلتىر پيلوتتىق جوبا رەتىندە ەلىمىزدىڭ 7 وڭىرىندەگى 42 مەكتەپتىڭ وقۋشىلارى شاحماتتى مەڭگەرە باستاعان.
ال قازىر 750-دەن استام مەملەكەتتىك مەكتەپ باسشىلىعى شاحماتتى وقۋ باعدارلاماسىنا ەنگىزۋگە دايىن ەكەنىن جەتكىزگەن. بىردەن ايتايىق، ءپان رەتىندە ەمەس. قازىر ءبىلىم بەرۋ جۇيەسىندە قولدانىلىپ جۇرگەن ءۆارياتيۆتى كومپونەنت دەگەن تەرمين بۇرىنعى فاكۋلتاتيۆتى ساباق دەگەن ۇعىمدى بىلدىرەدى. ياعني، تاڭعى اۋىسىمدا وقيتىن وقۋشى تۇستەن كەيىن مەكتەپكە بارىپ شاحمات ۇيىرمەسىنە قاتىسا الادى دەگەن ءسوز.
جوبا شەڭبەرىندە 1-4 -سىنىپتارعا ارنالعان «شاحمات نەگىزدەرى» وقۋ باعدارلاماسى ازىرلەنىپ، بەكىتىلگەن. وقۋ باعدارلاماسى شەڭبەرىندە شاحماتتى باستاۋىش سىنىپ پەداگوگتارى ۇيرەتەدى.
كوللەدجدە ستيپەنديا 50 پايىزعا وسەدى
وقۋ- اعارتۋ ءمينيسترىنىڭ ايتۋىنشا، مەملەكەت باسشىسىنىڭ تاپسىرماسى بويىنشا تەحنيكالىق جانە كاسىپتىك ءبىلىم بەرۋ جۇيەسىندە مەملەكەتتىك تاپسىرىستى ۇلعايتۋ بويىنشا جۇمىستار بەلسەندى جۇرگىزىلىپ وتىر. بيىل 145 مىڭ گرانت ءبولىندى، ونىڭ %65- ى تەحنيكالىق ماماندىقتارعا باعىتتالعان. سونداي- اق، 1 -قىركۇيەكتەن باستاپ كوللەدج ستۋدەنتتەرىنىڭ ستيپەندياسى وتكەن جىلعى دەڭگەيدەن %50- عا ۇلعايادى.
ءمينيستردىڭ مالىمدەۋىنشە، بيىل ءبىرىنشى جارتىجىلدىقتا 104 كوللەدجدىڭ ماتەريالدىق- تەحنيكالىق بازاسى جاقسارعان.
«تەحنيكالىق بازانىڭ زاماناۋي ستاندارتتارعا ساي بولۋى جانە ستۋدەنتتەردى وقىتۋ مەن پەداگوگتەردىڭ جۇمىسى ءۇشىن قولايلى جاعدايلاردى قامتاماسىز ەتۋى ماڭىزدى. بيىل 2103 ورىنعا ارنالعان 8 جاتاقحانا سالىنىپ جاتىر. ءقازىر پاۆلودار جانە تۇركىستان وبلىسىندا 259 ورىنعا ارنالعان 2 جاتاقحانا پايدالانۋعا بەرىلدى. تالداۋ ناتيجەلەرى كەيبىر وڭىرلەردە ستۋدەنتتەردى جاتاقحانالارمەن قامتاماسىز ەتۋ ماسەلەسى ءالى دە ماڭىزدى ەكەنىن كورسەتىپ وتىر. بۇل الماتى قالاسى (2349 توسەك-ورىن)، استانا (1291)، اقمولا وبلىسى (1112)، س ق و (811) جانە الماتى (711) وبلىسىندا تاپشىلىق بار»، - دەيدى ول.
مەكتەپتەگى Starlink
مەكتەپتەردەگى ينتەرنەت ساپاسى 2023 -جىلدىڭ باسىنداعى 19 پايىزدان 2024 -جىلى 90 پايىزعا ارتقان.
«مەملەكەت باسشىسىنىڭ مەكتەپتەردى ساپالى ينتەرنەتپەن قامتاماسىز ەتۋگە قاتىستى تاپسىرماسىنا سايكەس، ءبىز سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىمەن بىرلەسىپ جىل باسىنان مەكتەپتەردى جوعارى جىلدامدىقتى ينتەرنەتپەن قامتۋعا قاتىستى جاڭا تالاپتارىن بەكىتتىك. وسىعان وراي مەكتەپتەردەگى ينتەرنەت ساپاسى 2023 -جىلدىڭ باسىنداعى 19 پايىزدان 2024 -جىلى 90 پايىزعا ارتتى. بۇل جۇمىس ارى قاراي جالعاسۋدا»، - دەدى وقۋ-اعارتۋ ءمينيسترى عاني بەيسەمبايەۆ.
قازىر مەكتەپتەردى جوعارى جىلدامدىقتى ينتەرنەتپەن قامتۋ ماقساتىندا Starlink جابدىقتارى ورناتىلىپ جاتىر. تامىز ايىنىڭ باسىنداعى مالىمەت بويىنشا قامتىلۋى ءتيىس 1879 مەكتەپتىڭ 1731-ىندە Starlink جۇيەسى ورناتىلعان.
«ال شەكارا ماڭىندا ورنالاسقان 137 مەكتەپتە سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى تەرمينالداردى جانداندىرۋ جۇمىسىن جۇرگىزىپ جاتىر. دەگەنمەن، جامبىل، ش ق و، اتىراۋ، پاۆلودار، تۇركىستان، ب ق و جانە ۇلىتاۋ وبلىستارى مەكتەپتەردەگى ينتەرنەت جىلدامدىعىن ارتتىرۋ باعىتىنداعى جۇمىستارىن جەدەلدەتىپ، وقۋ جىلى باستالعانعا دەيىن اياقتاۋ قاجەت»، - دەيدى مينيستر.
جاڭا مەكتەپ
پرەمەر-مينيستر ولجاس بەكتەنوۆ ءبىلىم بەرۋ ينفراقۇرىلىمىنىڭ جانە بۇكىل وقۋ پروتسەسىنىڭ جاڭا وقۋ جىلىنا تولىق ازىرلىگىن قامتاماسىز ەتۋدى تاپسىردى.
«1- قىركۇيەككە قاراي جاڭادان 61 مەكتەپ اشۋ جوسپارلانىپ وتىر. مەكتەپتەردى تاپسىرۋ ءبىر بولەك، ولاردى وقۋشىلاردى قابىلداۋعا دايىنداۋ ءۇشىن دە ۇلكەن جۇمىس اتقارۋ كەرەك. عيماراتتارعا، وقۋ كابينەتتەرىنە، اسحانالارعا قويىلاتىن بارلىق قاۋىپسىزدىك شارتتارىن، سانيتاريالىق- ەپيدەميولوگيالىق جانە ورتكە قارسى تالاپتاردى ورىنداۋ قاجەت. جىلدامدىعى جوعارى ينتەرنەتپەن قامتاماسىز ەتىپ، پاندىك كابينەتتەردى، زەرتحانالاردى، سپورت زالدارىن جابدىقتاۋ كەرەك. بۇل - تەك «جايلى مەكتەپ» ۇلتتىق جوباسىنا عانا ەمەس، بارلىق ءبىلىم بەرۋ وبەكتىلەرىنە قاتىستى قويىلىپ وتىرعان تالاپ»، - دەدى و. بەكتەنوۆ.
سونىمەن قاتار ۇكىمەت باسشىسى ءبىرقاتار وڭىردە كەيبىر وقۋ ورىندارىنىڭ دايىندىعى ءتيىستى دەڭگەيدە ەمەس ەكەنىن ايتتى.
ايتپاقشى، وقۋ-اعارتۋ ءمينيسترى عاني بەيسەمبايەۆ ەلوردادا ءداستۇرلى تامىز سامميتىندە ەلىمىزدە 8 مىڭ مەكتەپتىڭ ىشىندە 106 مەكتەپ ءۇش اۋىسىمدا جۇمىس ىستەپ جاتقانىن اتاپ ءوتتى.
«جايلى مەكتەپ» جانە باسقا دا جاڭا مەكتەپتەر قۇرىلىسى ارقىلى بيىل 92 مەكتەپ ماسەلەسىن شەشۋدى جوسپارلاپ وتىرمىز. بىلتىر ءدال وسىنداي 29 مەكتەپتىڭ ماسەلەسىن شەشتىك، كەلەسى جىلى ءۇش اۋىسىمدى مەكتەپ ماسەلەسىن تۇبەگەيلى شەشۋدى كوزدەپ وتىرمىز»، - دەدى مينيستر.
سونىمەن بىرگە، مينيستر بۇگىندە 2900-دان استام مەكتەپ ءبىر اۋىسىمدا جۇمىس ىستەيتىنىن اتاپ ءوتتى.
بالالاردى مەكتەپكە اۋىستىرۋ قىزمەتى اۆتوماتتاندىرىلدى
قازاقستاندا بالالاردى مەكتەپتەر اراسىندا اۋىستىرۋ بويىنشا مەملەكەتتىك قىزمەت اۆتوماتتاندىرىلدى. ەندى اتا- انالار مەن زاڭدى وكىلدەر بالانى ءبىر مەكتەپتەن ەكىنشى مەكتەپكە اۋىستىرۋدى ۇيدەن شىقپاي- اق، eGov.kz پورتالىندا جۇزەگە اسىرا الادى. وندا تۇرعىلىقتى جەرى بويىنشا نەمەسە ودان تىس جەرلەردە كورسەتىلگەن كەز كەلگەن ءبىلىم بەرۋ ۇيىمىن تاڭداۋ مۇمكىندىگى بەرىلەدى.
جاڭا پروتسەسس ەسەپتەن شىعارۋ جانە بەكىتۋ تالوندارىن، سونداي- اق جەكە ءىس قۇجاتتارىن تاپسىرۋدى قاجەت ەتپەيدى. مەكتەپ تاڭداعان كەزدە وقۋ ءتىلى دە كورسەتىلەدى. سونداي- اق ءوتىنىش بەرۋشىنىڭ ءوتىنىمدى قايتارىپ الۋعا مۇمكىندىگى بار.
مەملەكەتتىك قىزمەتتى الۋ ءۇشىن:
• eGov.kz پورتالىندا تىركەۋدەن ءوتىپ، ء«بىلىم» بولىمىنە ءوتۋ كەرەك؛
• «ورتا ءبىلىم» بولىمىندە «بالالاردى مەكتەپتەن مەكتەپكە اۋىستىرۋ ءۇشىن قۇجاتتاردى قابىلداۋ» مەملەكەتتىك قىزمەتىن تاڭداپ، قاجەتتى جولداردى تولتىرۋ جانە ەتسق كومەگىمەن وتىنىشكە قول قويۋ قاجەت؛
• قىزمەت ناتيجەسىمەن جەكە كابينەتتە تانىسۋعا بولادى.
ايتا كەتەيىك، جاڭا مەملەكەتتىك قىزمەت ءتۇرىن ق ر وقۋ- اعارتۋ مينيسترلىگى مەن ق ر س د ي ا و م، «احمەت بايتۇرسىن ۇلى اتىنداعى «تالداۋ» ۇلتتىق زەرتتەۋلەر جانە ءبىلىمدى باعالاۋ ورتالىعى» ا ق جانە «ۇلتتىق اقپاراتتىق تەحنولوگيالار» ا ق بىرلەسىپ ازىرلەدى.
بۋللينگكە قارسى باعدارلامانى ىسكە اسىرۋ جالعاسادى
وقۋ جىلىنىڭ باسىنان باستاپ ەلىمىزدىڭ توعىز وڭىرىندە «ДосболLIKE» بۋللينگكە قارسى باعدارلاماسىن اپروباتسيالاۋ جالعاسادى. وعان 70 مىڭعا جۋىق وقۋشى جانە ءبىلىم بەرۋ ۇيىمدارىنىڭ 5 مىڭنان استام قىزمەتكەرى قاتىسادى.
«پيلوتتىق باعدارلامانى جۇزەگە اسىرۋ ءۇشىن ايماقتاردى تاڭداۋ كامەلەتكە تولماعاندار اراسىنداعى قۇقىقبۇزۋشىلىق پەن اۋتودەسترۋكتيۆتى مىنەز- قۇلىق كورسەتكىشتەرىن ەسكەرە وتىرىپ جۇرگىزىلدى. باعدارلامانى اپروباتسيالاۋ بارىسىندا پيلوتتىق مەكتەپتەردىڭ بارلىق قىزمەتكەرى ءۇشىن مەكتەپ ۇجىمدارىندا داۋلى جاعدايلاردىڭ تۋىنداۋىنا اسەر ەتەتىن سەبەپتەر مەن فاكتورلاردىڭ الدىن الۋ جانە انىقتاۋ بويىنشا ءىس- شارالار وتكىزىلەدى. سونداي-اق «ДосболLIKE» باعدارلاماسىن ىسكە اسىرۋدىڭ مىندەتتەرى مەن ادىستەرىن ءتۇسىندىرۋ بويىنشا وقۋشىلار مەن اتا-انالارعا ارنالعان ءتۇرلى ءىس-شارا قاراستىرىلعان»، - دەپ اتاپ ءوتتى ق ر وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتىنىڭ ءتوراعاسى ناسىمجان وسپانوۆا.
ايتا كەتەيىك، اتالعان جۇمىس وقۋ جىلىنىڭ سوڭىنا دەيىن جالعاسادى، بۇل باعدارلامانىڭ ناتيجەلىلىگىن نەعۇرلىم ءتيىمدى باعالاۋعا جانە ونى ەلدىڭ ءبىلىم بەرۋ ۇيىمدارىندا ودان ءارى ەنگىزۋ ءۇشىن قاجەتتى تۇزەتۋلەر ەنگىزۋگە مۇمكىندىك بەرەدى.
شاشى بويالعان وقۋشىلار مەكتەپكە كىرە الا ما؟
«Digital Kazakhstan: زاماناۋي ءبىلىم بەرۋ» رەسپۋبليكالىق تامىز سامميتىندە مينيسترگە «شاشى بويالعان وقۋشىلار مەكتەپكە كىرە الا ما؟» دەگەن سۇراق قويىلدى.
«بيىلدان باستاپ مينيسترلىكتىڭ قويىپ وتىرعان تالابى - مەكتەپتىڭ ىشكى ەرەجەسىن ساقتاۋ. مەكتەپ ءبىرىنشى كەزەكتە ءوزىنىڭ نەگىزگى ميسسياسىنان اۋىتقىماۋى كەرەك، بۇل ساپالى ءبىلىم، سانالى تاربيە بەرۋ. مەكتەپتىڭ ىشكى تارتىبىندە بالالاردىڭ ۇلگەرىمىنىڭ جوعارى بولۋى، ءتارتىپتى ساقتاۋى جانە مەكتەپ فورماسىن قاتاڭ ۇستانۋى - بەكەردەن- بەكەر جاسالعان دۇنيە ەمەس. بۇل جاستارىمىزدىڭ الەم جاستارىنان كەم بولماۋىنا تۇركى بولاتىن جاعداياتتار. سوندىقتان ءبىزدىڭ اتا-انالار دا، وقۋشىلار دا مەكتەپكە كەلگەندە مىقتى ءبىلىمدى ازامات بولىپ شىعۋدى، باسەكەگە قابىلەتتى تۇلعا بولىپ قالىپتاسۋدى ماقسات ەتۋى كەرەك. بۇل ماسەلەدە مەكتەپتىڭ ىشكى تارتىبىنە باعىنۋ كەرەك، ياعني بولمايدى، ءتارتىپتى ساقتاۋىمىز كەرەك»، - دەدى وقۋ-اعارتۋ ءمينيسترى.
وليمپيادادا ءبىلىمىن دالەلدەگەن وقۋشىعا سىياقى بار
وقۋ-اعارتۋ مينيسترلىگى حالىقارالىق ءبىلىم وليمپياداسىندا جەتىستىككە جەتكەن وقۋشىلارعا بەرىلەتىن سىياقى كولەمىن جاريالادى.
ايتا كەتسەك، ق ر وقۋ- اعارتۋ مينيسترلىگىنىڭ قولداۋىمەن قۇراما كوماندا مۇشەلەرى بىرنەشە رەسپۋبليكالىق جانە حالىقارالىق وقۋ- جاتتىعۋ جيىندارىنا قاتىسىپ، 2024 -جىلعى ەۋروپا جانە دۇنيەجۇزىلىك وليمپيادالاردا %100 ناتيجە كورسەتە ءبىلدى.
حالىقارالىق ءىرى وليمپيادالاردا جەڭىسكە جەتكەن وقۋشىلارعا ەلىمىزدىڭ جوعارى وقۋ ورىندارىنا كونكۋرستان تىس گرانتپەن وقۋعا تۇسۋگە مۇمكىندىك بەرىلەدى. سونداي-اق اقشالاي سىياقى تولەنەدى.
التىن مەدال ءۇشىن 1500 ا ە ك (5538000 تەڭگە)، كۇمىس مەدال ءۇشىن 1000 ا ە ك (3692000 تەڭگە)، قولا مەدال ءۇشىن 500 ا ە ك (1846000 تەڭگە) تولەنەدى. ودان بولەك، وقۋشىلاردى دايىنداعان تالىمگەرلەرىنە دە ماراپات قاراستىرىلعان.
پەداگوگتەر مەن وقۋشىلار جاساندى ينتەللەكتىنى مەڭگەرەدى
مەملەكەت باسشىسىنىڭ تاپسىرماسى بويىنشا ق ر وقۋ-اعارتۋ مينيسترلىگى س د ي ا و م، «Astana hub» حالىقارالىق تەحنوپاركىمەن جانە «ورلەۋ» ب ا ۇ و ا ق- مەن بىرلەسىپ وقۋشىلار مەن پەداگوگتەرگە ارنالعان باعدارلامالاۋ نەگىزدەرىن وقىتاتىن ونلاين- ءبىلىم بەرۋ پلاتفورماسىنىڭ پيلوتتىق جوباسىن ىسكە قوستى.
باستاپقى كەزەڭىندە 300 مۇعالىم مەن ترەنەر «جاساندى ينتەللەكت» جانە Game Development باعىتتارى بويىنشا بىلىكتىلىگىن ارتتىرۋدا. بيىل 31- جەلتوقساندا اياقتالاتىن كۋرستار التى ايعا جوسپارلانعان. كۋرس اياقتالعان سوڭ ءاربىر قاتىسۋشىعا سەرتيفيكات بەرىلەدى، ولار ءارى قاراي وقۋشىلار مەن پەداگوگتەردى باعدارلامالاۋ نەگىزدەرىنە وقىتا الادى.
اۆتور
رۋسلان عابباسوۆ
