جاساندى ينتەللەكت تەرگەۋشىلەرگە كومەكتەسەدى: ءى ءى م پيلوتتىق جوبانى ىسكە قوستى
استانا. KAZINFORM - جاساندى ينتەللەكت «سوتقا دەيىنگى تەرگەپ- تەكسەرۋ ءبىرىڭعاي ءتىزىلىمى» اقپاراتتىق جۇيەسىنە بىرىكتىرىلگەن جانە تەرگەۋشىنىڭ كۇندەلىكتى جۇمىسىن اۆتوماتتاندىرۋعا كومەكتەسەدى.
مەملەكەت باسشىسىنىڭ جاساندى ينتەللەكتىنى جەدەل دامىتۋ جونىندەگى تاپسىرماسىن ورىنداۋ اياسىندا ىشكى ىستەر مينيسترلىگى تەرگەۋشىنىڭ ينتەراكتيۆتى كومەكشىسى جوباسىن ىسكە قوستى. جوبانىڭ باستى ماقساتى - قىلمىستىق ىستەردى تەرگەۋ ساپاسى مەن جەدەلدىگىن ارتتىرۋ.
جۇيەنىڭ مۇمكىندىكتەرى: داۋىستى ماتىنگە اينالدىرۋ؛ ءتۇرلى ادامداردىڭ جاۋاپتارىن سالىستىرىپ، قاراما- قايشىلىقتاردى انىقتاۋ؛ جاۋاپ الۋ ءۇشىن ناقتىلايتىن سۇراقتار ۇسىنۋ؛ پروتسەسسۋالدىق قۇجاتتاردى اۆتوماتتى تۇردە قالىپتاستىرۋ.
ول ءتورت نەگىزگى مودۋلدەن تۇرادى: تەرگەۋدى جوسپارلاۋ؛ جاۋاپتاردى وڭدەۋ؛ قۇجاتتاردى دايىنداۋ؛ تالداۋ جانە بولجام جاساۋ. بۇل جوبا تەرگەۋ ۋاقىتىن قىسقارتىپ، تەرگەۋشىلەردى تەحنيكالىق جۇكتەمەدەن بوساتۋعا مۇمكىندىك بەرەدى.
19- ماۋسىمنان باستاپ جۇيە پيلوتتىق رەجيمدە استانا قالاسى ەسىل اۋدانىنىڭ پوليتسيا باسقارماسى بازاسىندا ىسكە قوسىلدى. كەلەسى اپتادا اقمولا وبلىسى قوسشى قالالىق پوليتسيا بولىمىندە ىسكە قوسۋ جوسپارلانىپ وتىر.
ايتا كەتەلىك «قازاقتەلەكوم» ا ق باسقارما ءتوراعاسى باعدات مۋسين الەۋمەتتىك جەلىدە الماتىدا سۋپەركومپيۋتەر ورناتۋدىڭ جاقىن ارادا باستالاتىنىن ايتقان ەدى.
