جاساندى ينتەللەكت قازاقستاندا قاي سالالارعا ەنۋى مۇمكىن

 سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ ماماندارى رەداكسيا ساۋالىنا جولداعان جاۋابىندا جاساندى ينتەللەكت قازاقستان ەكونوميكاسىنىڭ قاي سالالارىنا ەنۋى ىقتيمال ەكەنىن ايتتى، دەپ حابارلايدى Kazinform.

«جاساندى ينتەللەكتتى دامىتۋ ستراتەگياسى ءالى دە بولسا ازىرلەۋ ساتىسىندا. ويتكەنى جاساندى زەيىن جالپى قولدانىسقا ارنالعان تەحنولوگيا بولىپ ەسەپتەلەدى. ول ەلىمىزدە مۇمكىن بولعان بارلىق سالانى قامتىپ، ءوز اسەرىن بەرەدى. اسىرەسە يندۋستريانىڭ تاۋ-كەن ونەركاسىبى، مۇناي كەنىشتەرىن وڭدەۋ، جۇمىس پەرسونالىن وڭتايلاندىرۋ سياقتى سالالاردى وزگەرتەدى»،-دەپ جازىلعان جاۋاپتا.

دەگەنمەن، ۆەدومستۆو وكىلدەرى بۇكىل الەمدە سياقتى قازاقستاندا دا جاساندى زەيىن اۋەلى قاي سالالارعا ەنەتىنىن نارىق ءوزى رەتتەيتىنىن ايتادى. ال مەملەكەتتىڭ مىندەتى-سول جوبالارعا قولايلى جاعداي جاساۋ.

رەسمي جاۋاپتا ءمالىم ەتىلگەندەي، عىلىم جانە جوعارى ءبىلىم مينيسترلىگى ەلدىڭ جوعارى وقۋ ورىندارىندا جاساندى ينتەللەكت ءپانىن ىلكى جوبا رەتىندە ەنگىزگەن. سونداي- اق Astana Hub جانە باسقا دا ينۆەستيتسيا تارتاتىن وزگە دە ورتالىقتار جاساندى ينتەللەكت الگوريتمدەرىمەن بايلانىستى ستارتاپ جوبالارىن قاراستىرىپ جاتىر.