جاساندى ينتەللەكت جەر قويناۋىن بارلاۋعا قالاي كومەكتەسىپ جاتىر

استانا. KAZINFORM - ەلىمىزدە گەولوگيا جانە جەر قويناۋىن پايدالانۋ سالاسىندا سيفرلىق ترانسفورماتسيا جالعاسىپ جاتىر. تولىعىراق ونەركاسىپ جانە قۇرىلىس ۆيتسە-ءمينيسترى ءجاننات ءدۇبىروۆا ايتىپ بەردى.

- جىل سوڭىنا دەيىن گەولوگيالىق ەسەپتەردى وڭدەۋ جانە گەولوگيالىق زەردەلەۋ بازاسىن قالىپتاستىرۋ بويىنشا جاساندى ينتەللەكت كومەگىمەن جوبانى ىسكە اسىرۋ جوسپاردا بار. جاساندى ينتەللەكت سكانەرلەنگەن قۇجاتتى، ەسەپتى، كەستە مەن كارتانى تانيدى. بارلىق مالىمەت بازاعا جۇكتەلىپ، Big Data قالىپتاستىرادى. جوبانىڭ العاشقى كەزەڭى، جۇيە پروتوتيپىن جاساۋ جانە باستاپقى Big Data بازاسىن قالىپتاستىرۋ بولاشاق دامۋ ءۇشىن تابىستى ىرگەتاس بولدى. Big Data بولاشاقتا كەن ورىندارىن تابۋ ىقتيمالدىعىن بولجاۋ مەن باعالاۋعا ارنالعان دەرەكتەردى وڭدەۋدى اۆتوماتتاندىرادى، - دەدى ءجاننات ءدۇبىروۆا ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ۆيتسە-ءمينيستردىڭ ايتۋىنشا، ءبىرىڭعاي پلاتفورمادا مەملەكەتتىك قىزمەتتەن بولەك، ەسەپتى ونلاين تاپسىرۋ فۋنكتسياسى دا قولجەتىمدى. بۇگىندە گەولوگيا جانە جەر قويناۋىن پايدالانۋ سالاسىندا 22 مەملەكەتتىك قىزمەت سيفرلاندىرىلعان ءبىرىڭعاي جەر قويناۋىن پايدالانۋ پلاتفورماسى جۇمىس ىستەپ تۇر.

- بيىل جەر قويناۋىن پايدالانۋشىلار العاش سيفرلىق فورماتتا ەسەپ تاپسىردى. سونىمەن قاتار كەلىسىمشارت مەن ليتسەنزيانى دا سيفرلاندىرۋ بويىنشا جۇمىس ىستەلدى. قازىر 3449 كەلىسىمشارت پەن ليتسەنزيا سيفرلاندىرىلدى. سونداي-اق اكىمدىكتەرمەن بىرلەسىپ 2024 كەلىسىمشارت پەن ليتسەنزيا سيفرلاندىرىلدى، - دەپ تولىقتىردى ءمينيستردىڭ ورىنباسارى.

بۇعان دەيىن حابارلاعانىمىزداي، قازاقستاندا قۇرىلىس بارىسىن درون جانە جاساندى ينتەللەكتىنىڭ كومەگىمەن باقىلايدى.

اۆتور

داۋلەت ىزتىلەۋ