جاساندى ينتەللەكت «الەمدەگى ۇزدىك ءاتىردى» جاساپ شىقتى

استانا. KAZINFORM - يننوپوليس ۋنيۆەرسيتەتىنىڭ ستۋدەنتتەرى 40 مىڭنان استام حوش ءيىس ۇيلەسىمى مەن قولدانۋشى پىكىرلەرىن ساراپتاي وتىرىپ، پارفيۋم جاسايتىن نەيروجۇيە ويلاپ تاپتى. ولاردىڭ ايتۋىنشا، جاساندى ينتەللەكت جاساعان بۇل ءيىس ادامداردىڭ كوپشىلىگىندە ەموتسيونالدىق اسەر تۋدىراتىن امبەباپ حوش ءيىس بولا الادى، دەپ جازدى AZƏRTAC.

AI Spirit دەپ اتالاتىن جوبانى يننوپوليس ۋنيۆەرسيتەتىنىڭ ستۋدەنتتەرى قۇرعان. ولار SD-1 (Synthetic Dream) دەپ اتالاتىن «سينگۋليارلى پارفيۋمنىڭ» العاشقى نۇسقاسىن تانىستىردى - بۇل ءاتىر جاساندى ينتەللەكت كومەگىمەن جاسالعان العاشقى يىستەردىڭ ءبىرى.

نەيروجۇيە الەمدەگى ەڭ تانىمال 40000 ءاتىردىڭ قۇرىلىمىن جانە پايدالانۋشى پىكىرلەرىن زەرتتەي وتىرىپ، امبەباپ تارتىمدىلىق فورمۋلاسى تابۋعا تىرىسقان.

- ءبىزدىڭ كوماندا حوش ءيىستىڭ تارتىمدىلىق كودىن تاۋىپ، الەمدەگى ەڭ ۇزدىك پارفيۋمدى جاساۋ دەگەن بيىك ماقسات قويدى»، - دەيدى AI Spirit جوباسىنىڭ تەڭقۇرۋشىسى سەرگەي پولين.
پارفيۋمەر مامان كومەكتەستى

جوباعا كاسىبي پارفيۋمەر ۆەرونيكا ياميلوۆا دا قاتىسقان. ول نەيروجۇيە ۇسىنعان دەرەكتەردى تولىققاندى ونىمگە اينالدىرۋعا كومەكتەسكەن.

- بۇل - قۇر الگوريتم ەمەس، يىستەر مەن ەموتسيالار اراسىنداعى كوزگە كورىنبەيتىن بايلانىستار كارتاسىن قولمەن ۇستاۋعا مۇمكىندىك بەرەتىن قۇرال، - دەيدى ياميلوۆا.
SD-1 حوش ءيىسىنىڭ قۇرامى:
يريس

جاسمين

قىزعىلت بۇرىش

تۋبەروزا

بۇل ءيىس قازىرگى ۋاقىتتا بولمە سپرەيى رەتىندە قولجەتىمدى. كوماندا تۋالەت سۋىن سەرتيفيكاتتاۋدى باستاپ كەتتى جانە شەكتەۋلى تيراجبەن ساتىلىمعا شىعارۋدى جوسپارلاپ وتىر.

بولاشاقتا Aى Spirit جوباسى برەندتەردىڭ سۇرانىسى بويىنشا پارفيۋمدەر جاساپ، ءتىپتى ءاربىر قولدانۋشىعا جەكە ءاتىر تاڭداۋدى ماقسات ەتىپ وتىر.

ال قازاقستاندا «بولاشاق» تۇلەكتەرى وتاندىق ءيىسسۋ ويلاپ تاپقان ەدى.