22:15, 03 - قازان 2024 | GMT +6
جاس قالامگەرلەرگە ارنالعان بايقاۋ باستالدى
استانا. KAZINFORM - مادەنيەت جانە اقپارات مينيسترلىگىنىڭ جاس قالامگەرلەرگە ارنالعان بايقاۋ باستالعانىن مالىمدەدى.
«ەرلىك پەن ەڭبەك داستانى» اتتى جاڭا بايقاۋ تالانتتى اۆتورلاردى قولداۋعا باعىتتالعان. ماقساتى - قوعامداعى ەڭبەك ادامدارىنىڭ ماڭىزدىلىعىن كورسەتۋ. ءتۇرلى ماماندىق يەلەرىنىڭ ەڭبەگى جاس قالامگەرلەردىڭ شىعارمالارى ارقىلى ناسيحاتتالادى، - دەلىنگەن مالىمەتتە.
بايقاۋ ارقىلى اۆتورلار ەڭبەك ادامدارىن جاڭا قىرىنان تانىپ، ولاردىڭ رۋحىن اشۋعا مۇمكىندىك الادى.
بايقاۋعا قاتىسۋعا وتىنىمدەر 1-قازاننان باستاپ قابىلدانادى. جەڭىمپاز 2025-جىلى رەسپۋبليكا كۇنىندە انىقتالادى.
