جارتى جىلدا ينفراقۇرىلىمعا جاسالعان 965 ميلليوننان استام كيبەرشابۋىلعا تويتارىس بەرىلدى
استانا. KAZINFORM - اقپاراتتىق قاۋىپسىزدىك سالاسىندا بيىل جارتى جىلدا ەلىمىزدىڭ ماڭىزدى ينفراقۇرىلىم نىساندارىنا جاسالعان 965,4 ملن كيبەرشابۋىل مەن 3,5 مىڭنان استام DDoS- شابۋىلدىڭ بەتى قايتارىلىپ، شامامەن 1 مىڭ فيشينگتىك ينتەرنەت-رەسۋرس انىقتالدى. بۇل تۋرالى ۇ ق ك ءتوراعاسى ەرمەك ساعىمبايەۆ Kazinform اگەنتتىگىنە ەكسكليۋزيۆتى سۇحباتىندا اتاپ ءوتتى.

- زاماناۋي تەحنولوگيالار كەڭىنەن تارالىپ، ءقازىر ءومىردىڭ اجىراماس بولىگىنە اينالدى. ءيا، ونىڭ ارتىقشىلىعى جەتەرلىك. الايدا بۇل تەحنولوگيالىق دامۋ كيبەرقىلمىسكەرلەردىڭ دە قۇرالىنا اينالىپ وتىر. ولار قازىر سيفرلىق ينفراقۇرىلىمعا ەلەۋلى زالال كەلتىرىپ جاتىر. مەملەكەت باسشىسىنىڭ تاپسىرماسىنا سايكەس، ۇ ق ك ءى ءى م، سيفرلىق دامۋ مينيسترلىگى جانە باس پروكۋراتۋرامەن بىرلەسىپ كيبەرقىلمىسپەن كۇرەس تەتىكتەرىن جەتىلدىرۋ بويىنشا جۇيەلى جۇمىس اتقارىپ جاتىر، - دەدى ۇ ق ك ءتوراعاسى ەرمەك ساعىمبايەۆ.
ۇ ق ك باستاماسىمەن قىلمىستىق جانە قىلمىستىق-پروتسەستىك كودەكستەرگە، «جەدەل- ىزدەستىرۋ قىزمەتى تۋرالى» زاڭعا حالىقارالىق تاجىريبە ەسكەرىلگەن ءبىرقاتار وزگەرىستەر ەنگىزۋ ۇسىنىلدى.
- بۇل جۇمىس العاشقى ناتيجەسىن بەرىپ وتىر. پروكۋراتۋرا جانە پوليتسيا ورگاندارىمەن بىرلەسىپ، ەلىمىزدىڭ ءبىرقاتار قالالارىندا ابونەنتتىك نومىرلەردى زاڭسىز پايدالانۋ فاكتىلەرى انىقتالدى. الاياقتىقپەن كۇرەس اياسىندا بيىل ءىىم- مەن بىرلەسىپ 12 قالادا ءبىرقاتار شارالار اتقاردىق. قازاقستان مەن شەتەل ازاماتتارىنان بىرىككەن توپتار ۇستالىپ، الاياقتىق سحەمالاردا پايدالانىلعان 76 SIM-box قۇرىلعى تاركىلەندى.
ۇ ق ك ينفورماتيزاتسيا جانە بايلانىس سالاسىنداعى قىلمىستىق قۇقىق بۇزۋشىلىقتاردى، سونىڭ ىشىندە ءتۇرلى دەرەكتەر بازاسىندا ساقتالعان قۇپيا اقپاراتتى زاڭسىز وزگەرتۋ فاكتىلەرىن تەرگەپ جاتىر، - دەدى ول.
جالپى، وسى جانە باسقا دا فاكتىلەر بويىنشا 40 تان استام قىلمىستىق ءىس قوزعالعان.
- اقپاراتتىق قاۋىپسىزدىك سالاسىندا بيىل جارتى جىلدا ەلىمىزدىڭ ماڭىزدى ينفراقۇرىلىم نىساندارىنا جاسالعان 965,4 ميلليون كيبەرشابۋىل مەن 3,5 مىڭنان استام DDoS- شابۋىلدىڭ بەتىن قايتاردىق. شامامەن 1 مىڭ فيشينگتىك ينتەرنەت-رەسۋرس انىقتالدى.
جالعان تەرروريزم تۋرالى حابارلامالار تاراتۋدىڭ 68 فاكتىسى بويىنشا ىزدەستىرۋ شارالارى جۇرگىزىلىپ، پروتسەسسۋالدىق شەشىمدەر قابىلداندى.
Telegram مەسسەندجەرى ارقىلى ەسىرتكى جانە پسيحوتروپتىق زاتتاردى تاراتۋمەن اينالىسقان 66 ادام، سونداي-اق ەسىرتكى ءۇشىن اقى قابىلداۋعا پايدالانىلعان 325 بانك كارتاسى انىقتالدى.
ينتەرنەت ارقىلى ءسۋيتسيدتى ناسيحاتتاعان جانە ادامداردى ءوزىن- ءوزى ولتىرۋگە يتەرمەلەگەن 49 ادامدى تابىلدى.
الدىن الۋ جانە ۋاقتىلى ارەكەت ەتۋ شارالارىنا ەرەكشە ءمان بەرەمىز. كيبەرقاۋىپتەرگە قارسى ءتيىمدى ارەكەت ەتۋ تەتىكتەرىن ازىرلەۋ ءۇشىن جىل سايىن وقۋ-جاتتىعۋلار وتكىزىلەدى. ولار شارتتى شابۋىل جاساۋشىلاردى ىزدەپ تابۋ، ۇستاۋ جانە تسيفرلىق دالەلدەردى جيناۋ بويىنشا تەرگەۋ ءىس- ارەكەتتەرىن قامتيدى، - دەدى ەرمەك ساعىمبايەۆ.