جارتى جىلدا حالىقارالىق اقشا اۋدارىمدارى جۇيەسى ارقىلى 383,8 ميلليارد تەڭگە شەتەلگە اۋدارىلعان
استانا. قازاقپارات - 2024 -جىلدىڭ العاشقى جارتىجىلدىعىندا حالىقارالىق اقشا اۋدارىمدارى جۇيەسى (بۇدان ءارى - ح ا ا ج) ارقىلى جۇرگىزىلگەن اۋدارىمداردىڭ جيىنتىق مولشەرى 2023 -جىلدىڭ وسى كەزەڭىندەگى كورسەتكىشپەن سالىستىرعاندا %19 عا تومەندەپ، 515,3 ميلليارد تەڭگە بولدى. بۇل تۋرالى ۇلتتىق بانكتىڭ باسپا ءسوز قىزمەتى حابارلادى.
ح ا ا ج ارقىلى جۇرگىزىلگەن اۋدارىمداردىڭ دەنى %94 جەكە تۇلعالار اراسىنداعى وتەۋسىز اۋدارىمدار. بۇل وسى جۇيەلەردىڭ جەكە اۋدارىمدار ءۇشىن ىڭعايلى بولۋىندا، سەبەبى مۇندا بانكتىك شوتتاردى اشۋ قاجەت ەمەس.
- ح ا ا ج ارقىلى جۇرگىزىلگەن اۋدارىمداردىڭ نەگىزگى بولىگى %98 قازاقستان مەن باسقا ەلدەر اراسىنداعى ترانسشەكارالىق اۋدارىمداردى بىلدىرەدى. ونىڭ %75 ى شەتەلگە جىبەرىلدى. ول 2024 -جىلدىڭ I جارتىجىلدىعىندا 383,8 ميلليارد تەڭگەنى قۇرايدى. بۇل اۋدارىمداردىڭ شامامەن %87 ى «زولوتايا كورونا» جۇيەسى ارقىلى جۇزەگە اسىرىلادى. قازاقستاننان شەتەلگە جۇرگىزىلگەن ءبىر اۋدارىمنىڭ ورتاشا سوماسى 330,1 مىڭ تەڭگە بولادى. نەگىزگى الۋشى ەلدەر: رەسەي %31,2، وزبەكستان %26,8، تۇركيا %20,9، گرۋزيا %7,7 جانە قىرعىزستان %3,6، - دەلىنگەن حابارلامادا.
شەتەلدەن الىنعان اۋدارىمدار جالپى كولەمنىڭ %23 ىن قۇرادى. بۇل 120,4 ميلليارد تەڭگەگە تەڭ. بۇل اۋدارىمداردىڭ ەداۋىر بولىگى «زولوتايا كورونا» جانە «ۆەستەرن يۋنيون» تولەم جۇيەلەرىنە تيەسىلى. شەتەلدەن قازاقستانعا جۇرگىزىلگەن ءبىر اۋدارىمنىڭ ورتاشا سوماسى 279,3 مىڭ تەڭگە بولادى. نەگىزگى جونەلتۋشى ەلدەر – رەسەي %28,3، ا ق ش %12,4، وڭتۇستىك كورەيا %11,2، وزبەكستان %9,7 جانە تۇركيا %7,4.
