جاردەماقى مەن زەينەتاقى قانشا تەڭگەگە ءوستى

1-قاڭتاردان باستاپ قازاقستاندا زەينەتاقى مەن جاردەماقىلاردىڭ بارلىق ءتۇرىنىڭ مولشەرى ءوستى، دەپ حابارلايدى Kazinform.

الماتى قالاسىنىڭ ازاماتتارعا ارنالعان ۇكىمەت فيليالىنىڭ ەلەكتروندىق ءىس ماكەتتەرىن باقىلاۋ مەن زاڭدى جانە جەكە تۇلعالارمەن جۇمىس جونىندەگى باسقارما باسشىسى ءنايلا مۇحامەتقاليەۆانىڭ سوزىنشە، قاڭتاردان باستاپ اەك مولشەرى وزگەردى. قازىر ول 3450 تەڭگەنىڭ ورنىنا 3692 تەڭگە بولادى. وسىعان بايلانىستى الەۋمەتتىك تولەمدەر مەن ايىپپۇلداردىڭ مولشەرى ۇلعايدى. قازىر ەلدەگى ەڭ تومەنگى جالاقى مولشەرى 85 مىڭ تەڭگە.

سونىمەن بىرگە ول 2024 -جىلى وزگەرتىلگەن كورسەتكىشتەر بويىنشا جاڭا مالىمەتتەر كەلتىردى:

ايلىق ەسەپتىك كورسەتكىش (ا ە ك) - 3692 تەڭگە مولشەرىندە؛

ەڭ تومەنگى زەينەتاقى - 57853 تەڭگە؛

كۇنكورىس دەڭگەيى (ج م) - 43407 تەڭگە؛

بازالىق زەينەتاقى تولەمىنىڭ ەڭ تومەنگى مولشەرى - 28215 تەڭگە.

مۇگەدەكتىگى بار ازاماتتار ءۇشىن دە تولەنەتىن جاردەماقى مولشەرى دە ءوستى. مۇگەدەكتىكتىڭ ءبىرىنشى توبى ءۇشىن - 95486 تەڭگەگە دەيىن، II توپ ءۇشىن - 76397 تەڭگە، III توپ ءۇشىن - 52089 تەڭگە.

«7 جاسقا دەيىنگى مۇگەدەكتىگى بار بالالارعا تولەنەتىن تولەم مولشەرى 69886 تەڭگەنى قۇرايدى. 7 جاستان 18 جاسقا دەيىنگى، بالا كەزىنەن I توپتاعى مۇگەدەكتىگى بار بالالار ءۇشىن - 95496 تەڭگە، II توپتاعى مۇگەدەكتىك - 79435 تەڭگە، III توپتا - 69886 تەڭگە. قازاقستاندا زياندى ەڭبەك جاعدايلارىندا جۇمىس ىستەيتىندەر ءۇشىن ارنايى تولەمدەر ەنگىزىلدى»، - دەدى ول.

سونداي- اق سپيكەر ارناۋلى الەۋمەتتىك تولەمدەر ءتورت كوزدەن جۇزەگە اسىرىلاتىنىن اتاپ ءوتتى.

«رەسپۋبليكالىق بيۋدجەتتەن ەڭ تومەنگى كۇنكورىس دەڭگەيىنىڭ 2 ەسەلەنگەن مولشەرىندە؛ ۇكىمەتتىڭ قاۋلىسىمەن بەكىتىلگەن تارتىپپەن ب ج ز ق- دان قولدا بار زەينەتاقى جيناقتارىن ەسكەرە وتىرىپ؛ ءومىردى ساقتاندىرۋ كومپانيالارىنان 1 كۇنكورىس دەڭگەيى مولشەرىندە؛ جۇمىس بەرۋشىلەردىڭ قاراجاتى ەسەبىنەن 1 كۇنكورىس دەڭگەيى مولشەرىندە. بۇدان باسقا، قىزمەتكەرلەرگە قولدا بار زەينەتاقى جيناقتارىن ەسكەرە وتىرىپ، مىندەتتى زەينەتاقى جارنالارى ەسەبىنەن ج ز ق- دان تولەمدەر الۋ قۇقىعى بەرىلەدى»، - دەپ ءتۇسىندىردى ول.

اۆتور

الما مۇقانوۆا