وسكەمەننىڭ بۇرىنعى اكىمى جاقسىلىق ومار جاڭا قىزمەتكە تاعايىندالدى

وسكەمەن. KAZINFORM - شىعىس قازاقستان وبلىسى اكىمىنىڭ ءبىرىنشى ورىنباسارى بولىپ جاقسىلىق ومار تاعايىندالدى.

جاقسىلىق مۇقاش ۇلى 1980 -جىلى 28-قىركۇيەكتە الماتى وبلىسى، الاكول اۋدانى، ءۇشارال اۋىلىندا دۇنيەگە كەلگەن. 2001 -جىلى اباي اتىنداعى الماتى مەملەكەتتىك ۋنيۆەرسيتەتىن ءتامامداعان. ماماندىعى - گەوگرافيا ءپانىنىڭ وقىتۋشىسى، مەملەكەتتىك جانە جەرگىلىكتى باسقارۋ باكالاۆرى.

ەڭبەك جولىن ق ر مادەنيەت، اقپارات جانە قوعامدىق كەلىسىم مينيسترلىگى رەسپۋبليكالىق حالىقارالىق مادەني باعدارلامالار كوميتەتى ديرەكسياسىنىڭ جەتەكشى مامانى بولىپ باستادى.

ءار جىلداردا مادەنيەت مينيسترلىگىندە جەتەكشى مامان، باس مامان، قارجى مينيسترلىگى كەدەندىك باقىلاۋ كوميتەتىنىڭ مامانى، «قازاقستان» ر ت ر ك» ا ق «استانا» ت ر ك ديرەكسياسى ديرەكتورىنىڭ ورىنباسارى، قوعامدىق-ساياسي ءبولىمىنىڭ پروديۋسەرى، «ارنامەديا» ۇ ا ح» ا ق باس مەنەدجەرى، پارلامەنت ءماجىلىسى اپپاراتى باسپا ءسوز قىزمەتىنىڭ ساراپشىسى، شىعىس قازاقستان وبلىسى اكىمىنىڭ كومەكشىسى، شىعىس قازاقستان وبلىستىق ىشكى ساياسات باسقارماسى باسشىسىنىڭ ورىنباسارى، باسشىسى، شىعىس قازاقستان وبلىستىق مادەنيەت باسقارماسىنىڭ باسشىسى قىزمەتتەرىن اتقاردى.

2013 -جىلدىڭ مامىرىنان 2016 -جىلدىڭ قاراشاسىنا دەيىن ش ق و اكىمىنىڭ ورىنباسارى بولدى. 2016-2018 -جىلدارى الماتى وبلىسى اكىمىنىڭ ورىنباسارى لاۋازىمىن اتقارعان.

ال 2018-2024 -جىلدارى وسكەمەن قالاسىن باسقارعان. وسى ۋاقىتقا دەيىن ش ق و اكىمىنىڭ كەڭەسشىسى بولدى.

اۆتور

تالعاتجان مۇحامەتبەك ۇلى