جاقسىلىق ۇشكەمپىروۆتىڭ تۋعان كۇنىنە وراي ەسكەرتكىشىنە گۇل شوقتارى قويىلدى

Жақсылық Үшкемпіров
Фото: Спорт министрлігі

استانا. KAZINFORM - بۇگىن استانا قالاسىندا كۇرەس تۇرلەرىنەن قازاقتان شىققان تۇڭعىش وليمپيادا چەمپيونى، ق ر ەڭبەك سىڭىرگەن جاتتىقتىرۋشىسى جاقسىلىق ۇشكەمپىروۆتىڭ تۋعان كۇنىنە وراي بالۋاننىڭ ەسىمى بەرىلگەن جەكپە-جەك سارايىنىڭ الاڭىنداعى ەسكەرتكىشىنە گۇل شوعىن قويۋ ءراسىمى ءوتتى.

ءىس-شاراعا تۋريزم جانە سپورت مينيسترلىگىنىڭ وكىلدەرى، سپورتشىلار مەن جاتتىقتىرۋشىلار قاتىستى. ق ر تۋريزم جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ ءتوراعاسى ە. مىرزابوسىنوۆ، استانا قالاسى اكىمىنىڭ ورىنباسارى ە. بايكەن بالۋاننىڭ تۋعان كۇنىنە وراي ەسكەرتكىشىنە گۇل شوعىن قويىپ، تاعزىم ەتتى.

Үшкемпіров
Фото: Спорт министрлігі

«قازاقتان شىققان تۇڭعىش وليمپيادا چەمپيونى جاقسىلىق ۇشكەمپىروۆ اتامىزدىڭ تۋعان كۇنى. بۇل بيىك بەلەستەردى باعىندىرعان ءارى ايتۋلى جەڭىستەر سىيلاعان سپورتشىلار ءۇشىن قاسيەتتى كۇن. باتىرىمىزدىڭ ەسكەرتكىشىنە گۇل شوقتارىن قويۋ - وليمپيادا ويىندارى قارساڭىندا ەلىمىزدىڭ داڭقىن ورلەتكەن سپورتشىلار قاۋىمىنا جاسالعان قۇرمەتىمىز. جاقسىلىق اتامىزدىڭ ەل سپورتىن دامىتۋداعى ۇستازدىق رۋحى مەن تاباندىلىعى كوكەيىمىزدە ماڭگى ساقتالادى، ءتىپتى سپورتشىلارىمىزدى جاڭا بەلەستەردى باعىندىرۋعا شابىتتاندىرارى انىق. ءبىزدىڭ وليمپياداشىلارىمىز بيىل دا ەرلىك جولىن جالعاپ، جەڭىسكە جەتەرىنە ءۇمىتىم زور. وليمپيادا داڭقىنا تۇڭعىش داڭعىل جول سالعان جاقسىلىق اتامىزدىڭ سالىپ وتكەن سارا جولى سپورتشىلارىمىزعا داڭعىل جول بولسىن، ولار ەل مەرەيىن ارتتىرسىن. ءبىز جەڭىستى جولدى ەش ۇمىتپايمىز!» - دەپ اتاپ ءوتتى كوميتەت ءتوراعاسى ە. مىرزابوسىنوۆ.

Үшкемпіров
Фото: Спорт министрлігі

ەسكە سالا كەتەيىك، قازاقتان شىققان تۇڭعىش وليمپيادا چەمپيونى، ق ر ەڭبەك سىڭىرگەن جاتتىقتىرۋشىسى، سپورت ساڭلاعى جاقسىلىق ءامىرالى ۇلى ۇشكەمپىروۆ 1951-جىلى 6-مامىردا جامبىل وبلىسىنىڭ سۆەردلوۆسك اۋدانى ديحان اۋىلىندا دۇنيەگە كەلگەن.

Үшкемпіров
Фото: Спорт министрлігі

سانالى عۇمىرىن سپورتقا ارناعان بالۋان گرەك-ريم كۇرەسىمەن شۇعىلدانىپ، 1971-جىلى سپورت شەبەرى، 1975-جىلى حالىقارالىق سپورت شەبەرى اتانعان. 1980-جىلى ماسكەۋدە وتكەن بايراقتى باسەكەدە قازاقتان شىققان تۇڭعىش وليمپيادا چەمپيونى اتانسا، 1981-جىلى الەم چەمپيونى اتانعان.

اۆتور كۇنسۇلتان وتارباي

سوڭعى جاڭالىقتار