جاقسىدان عيبرات الا بەرگەننىڭ ءىسى وڭعا باسادى - احمەت ياسساۋي

  افوريزم - ءبىر ۇزىك وي، وقىس پىكىر، وقشاۋ ءسوز. افوريزم العاش دۇنيە قۇبىلىستارى جونىندە جيناقتالعان بىلىمدەرىن تۇيىندەپ، پىكىر ءبىلدىرۋدىڭ ءبىر ءتۇرى رەتىندە دۇنيەگە كەلگەن.

قازاق افوريزمدەرىنىڭ اسىل ارناسى دا ساق- سكيف داۋىرىندەگى ويشىلدار سوزدەرىنەن، كونە تۇركى جازبالارىنان باستاۋ الادى. «افوريزمدەر» ايدارىندا بۇگىن قورقىت، ءابۋ ناسىر ءال- فارابي، احمەت ياسساۋي ويلارىن ۇسىندىق.

جاقسىدان عيبرات الا بەرگەننىڭ ءىسى وڭعا باسادى - احمەت ياسساۋي

فوتو: ءال- فارابي. اشىق دەرەككوز.

( VIII - VIV ع ع. )

قورقىت

ادام بالاسى كەرۋەن سياقتى: توقتادى، كوشتى دە كەتتى.

الىس جولدى كوزبەن كور، كوكەيگە ءتۇي.

قانشا تاسىپ تۋلاعانمەن وزەن تەڭىزدى تولتىرا المايدى.

توپىراق تاۋ بولمايدى.

شىرىگەن ماقتادان ماتا شىقپايدى، ەجەلگى دۇشپاننان دوس شىقپايدى.

جالعىز جىگىت قول بولماس.

انانىڭ حاقى - قۇدايدىڭ حاقى.

ءابۋ ناسىر ءال- فارابي

اقيقات ادالدىقپەن اعزالاس.

مىنەز- قۇلىق ءمىنى رۋحاني كەسەلگە جاتادى.

ادامنىڭ باسىنا قونعان باقىتتىڭ تۇراقتى بولۋى جاقسى مىنەز- قۇلىققا بايلانىستى.

مىنەز بەن اقىل جاراسسا، ادامگەرشىلىك ۇتادى.

ءتان اۋىرسا، جان دا اۋىرادى.

ادام كەز كەلگەن جۇمىسقا جارامدى بولا بەرمەيدى.

قانداي ارەكەت جاساپ، قانداي ءىس ىستەر بولساڭىز دا، يگىلىگىن كورىپ، راقاتىنا بولەنۋدى ماقسات تۇتقان ءجون.

اسىرە كوپ نەمەسە كەم ەڭبەك ەتۋ كۇشكە كۇش قوسپايدى، قايتا قالجىراتا تۇسەدى.

تالپىنىس ءتاجى - تاباندىلىق.

مۋزىكانىڭ نەگىزگى مىندەتى - ادامنىڭ استەتيكالىق قاجەتىن وتەۋ.

عالامدا ءار ادامنىڭ ءوز ورنى بار.

احمەت ياسساۋي

عارىپتەرگە كوڭىل ءبول.

ءاماندا ساۋاپ جاسا.

تاسجۇرەككە قۇداي نازار سالمايدى.

ءتاۋبا قىلماي، ساۋدا قىلعاننان ساقتاعاي.

عاشىق پاتشا دا، عاشىق پاقىر دا جاۋلاسا الماس.

ءناپسى كوپ جۇگىرتىپ حاقتى ۇمىتتىرادى.

ءسوز دە نادانداردىڭ كوڭىلىنە جول تابا المايدى.

نيەتسىز، قۇلىقسىز، قۇشتارلىقسىز، قينالىسسىز ءسوزدىڭ سالماعى جوق.

تاۋبەسى جوقتىڭ كوڭىلى ارام.

مەنمەننىڭ بارار جەرى تامۇق.

تاكاپپار توزاقتا كۇيەدى.

جاقسىدان عيبرات الا بەرگەننىڭ ءىسى وڭعا باسادى.

دۇنيەقوڭىزدىڭ ىشىنە شايتان كىرەدى.

اق كوڭىلىڭمەن اللا دەگەنىندى ءتاڭىرى بىلەدى.

مۇراتقا جولىن تاپقان جەتەدى.

قيىن دا بولسا، ءتۇزۋ جولمەن ءجۇر.

جالعان سويلەگەن يمانسىز قالادى.

اللانى تانىعان، ءوزىڭ دە تابادى.

زامان ازار ۋاعىندا پاتشا اينالار زالىمعا.

و دۇنيەگە ەشكىم دە ساعان جولداس بوپ ەرمەيدى.

شىن مۇباراك جاننىڭ باعى جانار.

ويسىز، مۇڭسىز ۋاقىت زايا.

جاراندارمەن قويان- قولتىق ارالاسپاساڭ، جىلۋىن دا سەزبەيسىڭ.

ءتانى تاربيەلىنىڭ جانى ءجانناتتا بولادى.

ىنتاسىزدىڭ كۇڭى قاراڭ.

تويىمسىزدىق - تەرىس ءناپسى.

(ەربول شايمەردەن ۇلى قۇراستىرعان «قازاق افوريزمدەرى» كىتابىنان ىرىكتەلىپ الىندى) .