جاقسى جۇرگىزۋشىسىز: پوليتسەيلەر جول اپاتىنىڭ الدىن الۋ بويىنشا جاڭا تاسىلگە كوشتى
«ءسىز جاقسى جۇرگىزۋشىسىز»، «ءسىزدىڭ كۇلكىڭىز ادەمى»: پوليتسەيلەردىڭ جول اپاتتارىن الدىن الۋ بويىنشا جاڭا ءتاسىلى تۇرعىندارعا ەرەكشە اسەر سىيلادى. تۇركىستان وبلىسى ورداباسى اۋدانىندا پوليتسەيلەر جول-كولىك وقيعالارىنىڭ الدىن الۋ جانە جول ءجۇرىسى قاعيدالارىن ساقتاۋ بويىنشا ەرەكشە اكسيا وتكىزدى.
Polisia.kz-تىڭ حابارلاۋىنشا، ءتارتىپ ساقشىلارى جۇرگىزۋشىلەردى جولدا مۇقيات بولۋعا شاقىرىپ قانا قويماي، ولارعا جىلى سوزدەر جازىلعان ارنايى كارتوچكالار ۇسىنعان. پوليتسيا قىزمەتكەرلەرىنىڭ مۇنداي ءتۇسىندىرۋ جۇمىستارى جەرگىلىكتى تۇرعىنداردى تاڭعالدىردى.
- بىرلەسكەن كۇش-جىگەرمەن عانا ءبىز جول قوزعالىسىنىڭ بارلىق قاتىسۋشىسى ءۇشىن جولدارىمىزدى قاۋىپسىز ەتە الامىز. كىشكەنتاي قاتەلىكتىڭ ءوزى قايعىلى جاعدايعا اكەلۋى مۇمكىن. ءاربىر جۇرگىزۋشى مەن جاياۋ جۇرگىنشى جولدىڭ ءاردايىم قاۋىپ-قاتەرمەن بايلانىستى ەكەنىن ءتۇسىنىپ، مۇقيات ءارى جاۋاپتى بولۋى قاجەت، - دەدى پوليتسيادا.
