جانىبەك ءۇش تيتۋل ءۇشىن ايقاسقا دايىندالا باستادى

استانا. KAZINFORM - ورتا سالماقتا WBO جانە IBF چەمپيونى جانىبەك ءالىمحان ۇلى (17-0، 12 KO) كەلەسى جەكپە-جەگى تۋرالى مالىمدەمە جاسادى.

جانىبەك ءۇش تيتۋل ءۇشىن ايقاسقا دايىندىقتى باستاعانىن حابارلادى، الايدا قارسىلاسىن ءالى اتاعان جوق.

«ءۇشىنشى تيتۋلدى الۋ جولىندا ۇلكەن جۇمىستار اتقارىلىپ جاتىر! قۇداي قالاسا تاريح جاسالادى!» - دەپ جازدى ءالىمحان ۇلى الەۋمەتتىك جەلىدە.

ايتا كەتەيىك، بۇل ديۆيزيوندا قازاقستاندىققا ابسوليۋت اتانۋ ءۇشىن قاجەت بەلبەۋلەرگە يە ەكى بوكسشى بار. ولار - WBC چەمپيونى كۋبالىق ەريسلاندي لارا (31-3، 19 KO) جانە WBC تيتۋلىنىڭ يەگەرى دومينيكانالىق كارلوس ادامەس (24-1-1، 18 KO).

ەسكە سالايىق، 5-ساۋىردە استانادا جانىبەك فرانسيالىق اناۋەل نگاميسسەنگەنى (14- 1، 9 KO) بەسىنشى راۋندتا نوكاۋتقا ءتۇسىرىپ، تيتۋلدارىن ءساتتى قورعادى.