جانىبەك ءالىمحان ۇلىنىڭ قوس تيتۋل ءۇشىن جەكپە-جەكتەگى گونورارى بەلگىلى بولدى

استانا. قازاقپارات - بوكستان ورتا سالماقتاعى قازاقستاندىق الەم چەمپيونى جانىبەك ءالىمحان ۇلى (15-0، 10 ك و) 14-شىلدەدە چەمپيوندىق اتاعىن قورعايدى، - دەپ حابارلايدى Tengri Sport.

جاڭازەلانديالىق اندرەي ميحايلوۆيچكە (21-0، 15 ك و) قارسى جەكپە-جەك لاس-ۆەگاستا (ا ق ش) وتەدى. جەكپە-جەكتىڭ جەڭىمپازى IBF جانە WBO الەم تيتۋلدارىنىڭ يەگەرى اتانادى.

«ورتا سالماقتا WBO جانە IBF تيتۋلدارىن قورعايتىن جانىبەك ءالىمحان ۇلى كەپىلدەندىرىلگەن 350 مىڭ دوللار الادى. ورتا سالماقتاعى WBO جانە IBF تيتۋلدارىنا قارسىلاس ءارى ۇمىتكەر اندرەي ميحايلوۆيچ جەكپە-جەكتەن 200 مىڭ دوللار كولەمىندە كەپىلدەندىرىلگەن ۇلەس الادى»، - دەپ حابارلادى Sporty Salaries.

جانىبەك ءالىمحان ۇلى مەن اندرەي ميحايلوۆيچ اراسىنداعى جەكپە-جەك 14-شىلدەدە وتەدى. ماتچت قازاقستان ۋاقىتى بويىنشا 06:00 دە باستالادى دەپ جوسپارلانعان.