جانىبەك ءالىمحان ۇلى The Ring جۋرنالىنىڭ جاڭارتىلعان رەيتينگىندە كوش باستادى

استانا. قازاقپارات - The Ring جۋرنالى سالماق دارەجەلەرى بويىنشا جاڭارتىلعان رەيتينگىن جاريالادى، دەپ جازدى Sports.kz.

جانىبەك ءالىمحان ۇلى ورتا سالماقتاعى كوشباسشىلىق ورنىن (17-0، 12 KO) ساقتاپ قالدى. ول WBO جانە IBF نۇسقالارى بويىنشا الەم چەمپيونى اتاعىنا يە.

رەيتينگتىڭ كەلەسى ورىندارىندا:

كارلوس ادامەس (دومينيكان رەسپۋبليكاسى، 24-1-1، 18 KO) - WBC چەمپيونى

حامزا شيراز ( ۇلى بريتانيا، 21-0-1، 17 KO)

ەريسلاندي لارا (كۋبا، 31-3-3، 19 KO) - WBA چەمپيونى

جانىبەك سوڭعى جەكپە-جەگىن 2024 -جىلعى 5-ساۋىردە استانادا وتكىزدى. ول فرانتسۋز بوكسشىسى اناۋەل نگاميسسەنگەنى (14-1، 9 KO) بەسىنشى راۋندتا نوكاۋتپەن جەڭدى.

ايتا كەتەيىك، بۇعان دەيىن جانىبەك ءالىمحان ۇلى الەمنىڭ ۇزدىك 20 بوكسشىسىنىڭ قاتارىنا كىرگەن بولاتىن.