جانىبەك ءالىمحان ۇلى كەزەكتى قارسىلاسىمەن كوز ارباستى
استانا. KAZINFORM - ورتا سالماقتا WBO جانە IBF نۇسقاسى بويىنشا الەم چەمپيونى، قازاقستاندىق كاسىپقوي بوكسشى جانىبەك ءالىمحان ۇلى (16-0، 11 ك و) كەزەكتى جەكپە-جەگى الدىندا باسپا ءسوز كونفەرەنسياسىن وتكىزدى.
باسپا ءسوز كونفەرەنسياسى استاناداعى Rixsos قوناقۇيىندە ءوتتى. وعان فرانسيالىق قارسىلاسى اناۋەل نگاميسسەنگۋە (14-0، 9 ك و) جانە بوكس كەشى اندەركارتىندا شارشى الاڭعا شىعاتىن قازاقستاندىق بوكسشىلار بالاۋسا مۇزدىمان، اعايىندى سابىرحاندار، باتىر جۇكەمبايەۆ، سۇلتان زاۋىربەك قاتىستى.
باسپا ءسوز كونفەرەنسياسى بارىسىندا جانىبەك جۋرناليستەر سۇراعىنا جاۋاپ بەرىپ، الداعى ايقاسىندا جانكۇيەرلەر ءۇشىن ەستە قالارلىقتاي شوۋ كورسەتۋگە ۋادە بەردى. سوڭىندا جانىبەك ءالىمحان ۇلى قارسىلاسى اناۋەل نگاميسسەنگۋەمەن العاش رەت بەتپە-بەت كەلىپ، كوز ارباستى.
ەسكە سالا كەتسەك، جانىبەك ءالىمحان ۇلى 5-ءساۋىر كۇنى استانا قالاسىندا كەزەكتى جەكپە-جەگىن وتكىزىپ، چەمپيوندىق بەلدىكتەرىن قورعايدى.
وسىعان دەيىن حابارلاعانىمىزداي، جانىبەك-اناۋەل ايقاسى اندەركاردى تولىق انىقتالدى.
كەشە بوكسشىلار ەلورداداعى حانشاتىر ساۋدا ورتالىعىندا جانكۇيەرلەر ءۇشىن اشىق جاتتىعۋ وتكىزگەن ەدى.
