جانىبەك ءالىمحان ۇلى جەكپە-جەك الدىنداعى العاشقى جاتتىعۋىن وتكىزدى
استانا. KAZINFORM - ورتا سالماقتا WBO جانە IBF نۇسقاسى بويىنشا الەم چەمپيونى، قازاقستاندىق كاسىپقوي بوكسشى جانىبەك ءالىمحان ۇلى (16-0، 11 ك و) كەزەكتى جەكپە-جەگى الدىندا جانكۇيەرلەر ءۇشىن اشىق جاتتىعۋ وتكىزدى.

كاسىپقوي بوكس كەشىنە ارنالعان اشىق جاتتىعۋ ەلورداداعى حانشاتىر ساۋدا ورتالىعىندا ءوتتى. وعان بوكس كەشىنىڭ اندەركارتىندا شارشى الاڭعا شىعاتىن بوكسشىلار دا قاتىستى. ولاردىڭ قاتارىندا بالاۋسا مۇزدىمان، اعايىندى سابىرحاندار، باتىر جۇكەمبايەۆ، سۇلتان زاۋىربەك، باحودير جالولوۆ جانە جانىبەك ءالىمحان ۇلىنىڭ قارسىلاسى اناۋەل نگاميسسەنگۋ بار.

جانىبەك اشىق جاتتىعۋدان كەيىن وتانداستارىنا سالەم جولداپ، الداعى ايقاسىنا قولداۋ بىلدىرۋگە شاقىردى.
- ارما، قازاق ەلى! 5-ءساۋىر كۇنى بارلىعىڭىزدى استاناداعى «بارىس ارەنادا» كۇتەمىز. الەم جۇرتشىلىعىنا «Qazaq style» - دىڭ قانشالىقتى مىقتى ەكەنىن كورسەتەمىز. بىزگە جانكۇيەر بولىڭىزدار، - دەدى بوكسشى.

ەسكە سالا كەتسەك، جانىبەك ءالىمحان ۇلى 5-ءساۋىر كۇنى استانا قالاسىندا كەزەكتى جەكپە-جەگىن وتكىزىپ، چەمپيوندىق بەلدىكتەرىن قورعايدى.
بۇعان دەيىن حابارلاعانىمىزداي، جانىبەك-اناۋەل ايقاسى اندەركاردى تولىق انىقتالدى.
اۆتور مۇحتار قاليموللا ۇلى