جانقوش تۇراروۆ قاشان شارشى الاڭعا شىعاتىنى بەلگىلى بولدى

اا
Фото: Kazinform

كاسىپقوي بوكسشى جانقوش تۇراروۆ (27-0، 20 KO) ءبىرىنشى جارتىلاي ورتا سالماقتاعى IBO چەمپيوندىق اتاعىن 16- جەلتوقسان كۇنى قورعايدى، - دەپ حابارلايدى Vesti.kz سايتى.

اقپارات دەرەككوزى بويىنشا بوكسشىنىڭ جەكپە-جەگى جايلى رەسمي اقپارات جاقىن ۋاقىتتا جاريالانادى. قازاقستاننىڭ تاۋەلسىزدىك مەرەكەسىنە وراي ۇيىمداستىرىلماق.

بۇعان دەيىن جانقوش تۇراروۆ تانزانيالىق بوكسشى يبراگيم كلاسسا مگەندەرمەن (30-6، 14 ك و) جۇدىرىقتاساتىنى انىقتالعان بولاتىن. قارسىلاسى ءبىر كەزدەرى IBF رەيتينگىندە العاشقى وندىققا ەنگەن. جەكپە-جەكتەرىنىڭ كوپشىلىگىن ءوز ەلىندە وتكىزگەن.

جانقوش تۇراروۆ IBO چەمپيوندىق بەلبەۋىن ناۋرىز ايىندا الماتىدا مەكسيكالىق الەحاندرو مەنەسەستى (16-6، 9 KO) نوكاۋتقا تۇسىرگەننەن كەيىن يەلەنگەن بولاتىن.

سوڭعى جاڭالىقتار