جانكۇيەرىنىڭ ارمانىن ورىندادى: ديماش قۇدايبەرگەن اقتاۋدا ەرەكشە جانمەن كەزدەستى

اقتاۋ. KAZINFORM - الەمگە تانىمال ءانشى، قازاق ەلىنىڭ ماقتانىشى ديماش قۇدايبەرگەن اقتاۋدا وتكەن «اقتاۋ - تۇركى الەمىنىڭ مادەني استاناسى» جىلىنىڭ اشىلۋ سالتاناتىنانان كەيىن، 23 جاستاعى مۇمكىندىگى شەكتەۋلى جانمەن كەزدەستى. ونىڭ كوپتەن بەرگى ارمانى - سۇيىكتى انشىسىمەن جۇزدەسۋ بولعان.

- بۇل - مەنىڭ ومىرىمدەگى ەڭ باقىتتى كۇندەردىڭ ءبىرى. ديماشتى ساحنادان ەمەس، بەتپە- بەت كورۋ - عاجاپ سەزىم. ارمانىم ورىندالدى. ومىرىمدەگى ەڭ اسەرلى، ۇمىتىلماس ءسات بولدى، - دەيدى انشىمەن كەزدەسكەن ەربولات.

ايتا كەتەيىك، گالا كونسەرتتە ديماشتىڭ اندەرىن جان-تانىمەن سەزىنىپ، قوسىلىپ شىرقاعان مۇمكىندىگى شەكتەۋلى ازاماتتىڭ بەينەجازباسى تاراعان ەدى. سونى كورگەن ءانشى جانكۇيەرىمەن كەزدەستى.

- سەنىڭ ۆيدەوڭدى بۇگىن قالادان شىعار الدىندا كورىپ قالدىم. اعالارىمىزعا كوپ راحمەت، ءوتىنىشىمدى جەرگە تاستاماي، باۋىرىمدى تاۋىپ بەرىپ، ۇشار الدىندا كەزدەسۋ ۇيىمداستىردى. ماعان تىلەۋلەس بولىپ جۇرگەنىڭە العىس، - دەپ ءانشى جانكۇيەرىنە ەستەلىككە ءوزىنىڭ بىلەزىگىن تاقتى.

بۇعان دەيىن، پرەزيدەنت اقتاۋعا تۇركى الەمىنىڭ مادەني استاناسى مارتەبەسىنىڭ بەرىلۋىمەن قۇتتىقتاعانىن جازعان بولاتىنبىز.

تۇركسوي ۇيىمىنىڭ باس حاتشىسى سۇلتان رايەۆ تا حالىقارالىق ءىس-شارانىڭ ماڭىزدىلىعىن اتاپ وتكەن ەدى.