جاندى تەربەگەن ەستەلىكتەر: پرەزيدەنت تەلەراديوكەشەنى ەرەكشە جوبا باستادى

استانا. KAZINFORM - ۇلى جەڭىستىڭ 80 جىلدىعىنا وراي پرەزيدەنت تەلەراديوكەشەنى ەرەكشە جوبانى ىسكە قوستى. Kazinform اگەنتتىگىنىڭ فوتومۇراعاتىنداعى ەكىنشى دۇنيەجۇزىلىك سوعىس جىلدارى كەزىندە تۇسىرىلگەن سيرەك سۋرەتتەر جاڭا تەحنولوگيا كومەگىمەن ءتۇرلى تۇسكە بويالىپ، قيمىلدايدى.

ماسەلەن، مىنا سۋرەت 1941 -جىلى تۇسىرىلگەن. وندا ۇزدىك كومسومول جۇمىسى ءۇشىن لەنينگراد قالاسى ۆلكسم قىزىلگۆارديا اۋداندىق كوميتەتى №46 بالالار ءۇيىنىڭ كومسومول ۇيىمى قىزىل تۋمەن ماراپاتتالدى.

تۋدى بالالار ءۇيىنىڭ اعا پيونەر جەتەكشىسى ليديا الەكساندروۆنا كوستينا الدى. سول جاقتاعى قاتاردا قازاقتىڭ قاھارمان قىزى ءاليا مولداعۇلوۆا سەگىزىنشى بولىپ تۇر.

بۇل كادرلاردا سوعىستىڭ قاسىرەتتى جىلدارىن باستان وتكەرگەن جاۋىنگەرلەردىڭ، مەدبيكەلەردىڭ، تىل ەڭبەككەرلەرىنىڭ جۇزدەرى بەينەلەنگەن. بۇل جاي عانا ەستەلىك ەمەس، قۇرمەت مەن ريزاشىلىقتىڭ بەلگىسى، وتكەنگە جاڭاشا كوزقاراسپەن قاراۋ مۇمكىندىگى.

جوبا ەلىمىزدىڭ تەمىرجول ۆوكزالدارى مەن اۋەجايلارىنداعى LED ەكرانداردان كورسەتىلەدى. ال 5-مامىردا استاناداعى «نۇرلى جول» ۆوكزالىندا «ق ت ج» ۇك» ا ق قولداۋىمەن «جەڭىستىڭ 80 جىلدىعى. KAZINFORM فوتوشەجىرەسى» اتتى فوتوكورمە اشىلادى.

 

ايتا كەتەيىك، اقتوبەدە زاعيپتار قوعامى ءاليا مولداعۇلوۆانىڭ 100 جىلدىعىنا ارنالعان سپەكتاكل قويدى.

اقتوبەدە ءاليا مولداعۇلوۆا مۋزەيى جاڭاردى. ءاليا مولداعۇلوۆانىڭ تۋعانىنا 100 جىل جانە جەڭىستىڭ 80 جىلدىعىنا وراي مۋزەي ءىشى زاماناۋي تەحنولوگيالارمەن قايتا جابدىقتالدى.