جانارماي باعاسىن رەتتەۋدەن كەتۋ جەمىسىن بەرە باستادى - پرەمەر- مينيستر
استانا. KAZINFORM - پرەمەر- مينيستر ولجاس بەكتەنوۆ پارلامەنت پالاتالارىنىڭ بىرلەسكەن وتىرىسىندا جانار- جاعارماي باعاسىن ىرىقتاندىرۋ ەكونوميكاعا قالاي اسەر ەتكەنىن ايتتى.
- بيىل ەكونومكالىق ءوسىمنىڭ ديناميكاسى ايتارلىقتاي جاعىمدى. 5 ايدىڭ قورىتىندىسى بويىنشا ج ءى ءو ءوسىمى 6 پايىز كورسەتكەنىن بىلەسىزدەر. ءبىزدىڭ پايىمداۋىمىزشا، باستى كورسەتكىشتىڭ ءبىرى - نەگىزگى كاپيتالعا سالىناتىن ينۆەستيتسيا كولەمى. 5 ايدىڭ قورىتىندىسى بويىنشا 18 پايىزدان اسادى. ەكىنشى دەڭگەيلى بانكتەردىڭ بيزنەستى نەسيەلەندىرۋ كولەمى بىلتىرعىمەن سالىستىرعاندا 16 پايىزدان اسقانىن جاعىمدى كورسەتكىش دەپ اتاۋعا بولادى، - دەدى ۇكىمەت باسشىسى.
سونداي-اق، 5 ايدا ول جاقسى ءوسىم كورسەتكەن سالالاردى اتادى.
- سالالارعا كەلسەك، قۇرىلىس سالاسىندا ديناميكالىق ءوسىم بار - 15 پايىزدان جوعارى. كولىك جانە قويمالاۋ سالاسىندا ءوسىم 23 پايىزدان جوعارى ءوسىم بار. قايتا وڭدەۋ ونەركاسىبى 6 پايىز قارقىنمەن، ساۋدا سالاسى 8 پايىزبەن ءوسىپ كەلەدى. وسى سالالار ديناميكالىق ءوسىم قامتاماسىز ەتىپ وتىر. ءبىزدىڭ ەندىگى مىندەت - وسى قارقىندى ساقتاپ، ارتتىرۋ، - دەدى ولجاس بەكتەنوۆ.
ايتۋىنشا، ەلدىڭ جانار-جاعارماي وندىرىسىنە ينۆەستيتسيا قايتا ورالا باستاعان.
- مەنىڭ پايىمداۋىمشا، جانار-جاعارماي نارىعىن ىرىقتاندىرۋ شاراسى جاعىمدى اسەرى تيگىزىپ جاتىر. جانارماي باعاسىن ۇزاق جىلدار بويى مەملەكەت رەتتەپ كەلگەندىكتەن نارىقتاعى شىنايى كونيۋكتۋراعا ساي بولمادى. ۇكىمەت باعالاردى ىرىقتاندىرۋ جولىنا ءتۇستى. بۇل جۇمىس قازىردىڭ وزىندە ناتيجەسىن بەرىپ جاتىر. ينۆەستيتسيا وسى سالاعا بىرتىندەپ قايتا ورالىپ جاتىر. ويتكەنى بۇعان دەيىن بۇل سالا ينۆەستيتسيالىق تۇرعىدان تارتىمسىز بولاتىن. جەكە بيزنەس مەملەكەت باعانى ىرىقتاندىرۋعا كوشكەنىن كورىپ وتىر، - دەدى پرەمەر- مينيستر.
ايتا كەتەيىك، ۇكىمەت ۇيىندە پارلامەنت پالاتالارىنىڭ بىرلەسكەن وتىرىسى ءوتىپ جاتىر.
