جامبىلدىق قولونەرشىلەر قازاقستاننىڭ رەكوردتار كىتابىنا ەندى
حالىقارالىق «قىزعالداق مۇرا» فەستيۆالى اياسىندا جامبىلدىق قولونەرشىلەر 200 شارشى مەتر كيىز باسىپ، قازاقستاننىڭ كينەس رەكوردتار كىتابىنا ەندى، دەپ حابارلايدى turkystan.kz.
شەبەرلەر قىزعالداقتاردىڭ وتانى سانالاتىن قاراتاۋ تاۋىنىڭ بوكتەرىندە ءۇش ايلىق ەڭبەكتەرىنىڭ ناتيجەسىن تانىستىردى. فەستيۆالدە قازاقستاننىڭ كينەس رەكوردتار كىتابىنىڭ سەرتيفيكاتى سالتاناتتى تۇردە تابىستالادى.
شارا قاتىسۋشىلارى، ونىڭ ىشىندە شەتەلدىك قوناقتار دا قولونەرشىلەردىڭ ەڭبەگىنە جوعارى باعا بەرىپ، زور ىقىلاسپەن قابىلدادى
ىسمەرلەر كيىز باسۋدىڭ ءداستۇرلى ىلعالدى ءادىسىن قولدانىپ، جەرگىلىكتى تابيعي شيكىزاتتى پايدالانعان.
ايتا كەتەيىك، رەكوردتار كىتابىنا ەنگەن قولونەرشىلەردىڭ كيىزى ارنايى شىنىمەن قاپتالىپ، حالىقارالىق «اۋليە- اتا» اۋەجايىنا تابىس ەتىلمەك.
فەستيۆالدە «قىمىزمۇرىندىق» ءراسىمى اياسىندا بيە ساۋۋشىلار جارىستى. «قازىق قاعۋ»، «بيە بايلاۋ» داستۇرلەرى دارىپتەلىپ، «قىمىز اشىتۋ» بويىنشا شەبەرلىك ساعاتى ءوتتى. قىمىز كورمەسى دە كوپشىلىك نازارىنا ۇسىنىلدى.
