جامبىل وبلىسىندا وڭىرلىك اۋقىمداعى توتەنشە جاعداي جاريالاندى

  جامبىل وبوىسىندا رەسپۋبليكالىق ماڭىزى بار اۆتوجولدار جابىلدى، دەپ حابارلايدى Kazinform.

اۋا رايىنىڭ كۇرت ناشارلاۋىنا (تەمپەراتۋرانىڭ تومەندەۋى، قارلى بوران، كورۋدىڭ ناشارلىعى) بايلانىستى 12-جەلتوقساننان باستاپ رەسپۋبليكالىق ماڭىزى بار «باتىس ەۋروپا- باتىس قىتاي» اۆتوبانىنىڭ «تاراز- الماتى» باعىتى بويىنشا جانە وبلىستىق ماڭىزى بار ءبىرقاتار جولداردا كولىك قوزعالىسى توقتاتىلدى.

جامبىل وبلىسى اكىمىنىڭ تاپسىرماسىمەن 13-جەلتوقساننان باستاپ وڭىرلىك جەدەل شتاب قۇرىلىپ، جۇمىستار جۇرگىزۋدە.

وبلىستىق باسپا ءسوز قىزمەتىنىڭ بەرگەن مالىمەتتەرىنە سۇيەنسەك، قۇتقارۋ جۇمىستارىنا 117 ارنايى تەحنيكا، 103 ادام (ت ج د، اسكەري قىزمەتشىلەر) جۇمىلدىرىلعان.

14-جەلتوقسان كۇنى ساعات 23.00 دەگى جاعداي بويىنشا قۇتقارۋ بولىمشەلەرىمەن 1279 ادام قۇتقارىلىپ، ەۆاكۋاتسيالاندى. ولار قورداي اۋدانىنداعى 6 جىلىتۋ پۋنكتىنە ورنالاستىرىلدى.

ءالى دە قار قۇرساۋىندا قالىپ وتىرعان كولىكتەردىڭ سانى ناقتىلانۋدا.

قاتتى جەل مەن قاردىڭ سالدارىنان شۋ اۋدانىندا ەلەكتر جەلىلەرى ءۇزىلىپ، تىرەك تىرەكتەرى قۇلادى.

توتەنشە جاعداي سالدارىنان «شۋ وتار» ۋچاسكەسىندە 11 جولاۋشىلار پويىزى توقتاپ تۇر، ولاردىڭ ءارقايسىسىندا ورتاشا ەسەپپەن 500-700 ادامنان بار. 12 جۇك پويىزى ءوز ۋاقىتىنان كەشىگۋدە.

وبلىستىڭ 4 اۋدانىنىڭ 32 ەلدى مەكەنىندە 8882 ابونەنت ەلەكتر قۋاتىنان اجىراتىلعان.

قازىرگى كەزدە جەلدىڭ جىلدامدىعى سەكۋندىنا 45 مەترگە دەيىن جەتۋدە.

الداعى كۇندەرى «قازگيدرومەت» ر م ك بولجامىنا سايكەس، 30 م/س قاتتى جەل ۇيىتقۋى ساقتالادى.

قالىپتاسقان جاعدايعا بايلانىستى وبلىس بويىنشا قاۋىرت جەلى نومىرلەرى ىسكە قوسىلدى.