پەداگوگ كادرلار قاجەتتىگىن بولجاۋ ادىستەمەسى قولدانىسقا ەنگىزىلەدى
استانا. قازاقپارات - 2026 -جىلى پەداگوگ كادرلار قاجەتتىگىن بولجاۋ ادىستەمەسى قولدانىسقا ەنگىزىلەدى. بۇل تۋرالى سەنات دەپۋتاتتارىنىڭ ساۋالىنا پرەمەر-مينيستر ولجاس بەكتەنوۆتىڭ جاۋابىندا ايتىلعان.
ۇكىمەت باسشىسىنىڭ اتاپ وتۋىنشە، وڭىرلىك ەرەكشەلىكتەردى ەسكەرە وتىرىپ، پەداگوگ كادرلاردىڭ قاجەتتىلىگىن بولجاۋ ەڭبەك رەسۋرستارىن بولجاۋ ۇلتتىق جۇيەسى اياسىندا جۇزەگە اسىرىلادى.
- سونىمەن قاتار قازىر وقۋ-اعارتۋ مينيسترلىگى عىلىم جانە جوعارى ءبىلىم، ەڭبەك جانە حالىقتى الەۋمەتتىك قورعاۋ مينيسترلىكتەرىمەن، جەرگىلىكتى اتقارۋشى ورگاندارمەن بىرلەسىپ، پەداگوگ كادرلار قاجەتتىلىگىن بولجاۋ ادىستەمەسى جوباسىن ازىرلەپ جاتىر. بۇل ادىستەمە ءبىلىم بەرۋ جۇيەسىن وقۋشىلارعا ساپالى ءبىلىم مەن ءتالىم-تاربيە بەرۋ مىندەتىن ورىنداۋعا قاجەتتى پەداگوگ كادرلارمەن قامتاماسىز ەتۋ دەڭگەيىن انىقتاۋعا مۇمكىندىك بەرەدى. اتالعان ادىستەمەنى 2026 -جىلى قولدانۋ جوسپارلانىپ وتىر، - دەدى ۇكىمەت باسشىسى.
بۇعان دەيىن پەداگوگتەر مەن ءبىلىم بەرۋ ۇيىمدارى باسشىلارى قىزمەتىنىڭ تيىمدىلىك رەيتينگىن ەنگىزۋ جۇمىسى جۇرگىزىلىپ جاتقانىن جازعان ەدىك.
