جامبىل مەن الماتى وبلىسى فەرمەرلەرى وتپەي قالعان پيازدى نە ىستەيدى

пияз
Фото: Pixabay

استانا. KAZINFORM - ساۋدا جانە ينتەگراتسيا مينيسترلىگىنىڭ قازاقستاننىڭ 16 ءىرى ساۋدا جەلىسىمەن ونلاين- كەزدەسۋ وتكىزىپ، ناتيجەسىندە Small، «سەمەينىي» جانە «يارماركا Retail» ساۋدا جەلىلەرى شارۋالاردان وتپەي قالعان پيازىنىڭ ءبىر بولىگىن تىكەلەي ساتىپ الۋعا قىزىعۋشىلىق ءبىلدىردى.

ءوز كەزەگىندە Toimart جەلىسىنىڭ وكىلى شەڭگەلدىدەن پياز جەتكىزۋ تۋرالى كەلىسىمگە قول قويعانىن حابارلادى.

2023 -جىلى قازاقستاندا 1,1 ميلليون توننا پياز جينالدى. سوڭعى بەس جىلدا پياز ءونىمىنىڭ %23- عا نەمەسە 211,8 مىڭ تونناعا ارتۋى بايقالادى، بۇل ونىڭ ارتىق وندىرىلۋىنە اكەلدى.

ساۋدا كوميتەتى قازىرگى ۋاقىتتا ەلىمىز بويىنشا بولشەك ساۋداداعى پيازدىڭ ورتاشا باعاسى 99 ت گ/ك گ قۇراپ وتىرعانىن حابارلايدى.

«التىن وردا» بازارىنداعى پيازدىڭ كوتەرمە باعاسى ساپاسىنا وراي 30-50 تەڭگە شاماسىندا. ساۋدا جەلىلەرىندە - 58-دەن 140 تەڭگە/ك گ ارالىعىندا ساتىلىپ جاتىر.

وتكەن جىلدىڭ جەلتوقسان ايىندا اۋعانستان مەن پاكىستاننان كەلگەن كاسىپكەرلەر جامبىل جانە الماتى وبلىستارىنىڭ فەرمەرلەرىنە 80 ت گ / ك گ ۇسىندى.

الايدا فەرمەرلەر بۇل ۇسىنىستان باس تارتىپ، باعانىڭ ءوسىمىن كۇتتى.

قاڭتار ايىندا قونايەۆتا الماتى وبلىسىنىڭ شەڭگەلدى كەنتىنىڭ پياز وندىرۋشىلەرىمەن كەزدەسۋ ءوتىپ، وندا اۋعان كاسىپكەرلەرى كوپ كولەمدەگى پيازدى 40 تەڭگەدەن ساتىپ الۋدى ۇسىندى.

دەسە دە، تاراپتار باعا بويىنشا كەلىسپەدى. فەرمەرلەرگە ءونىمدى وتكىزۋشى ءۇشىن «التىن وردا» بازارىندا 100 تەگىن ورىن ۇسىنىلدى.

ەندى جامبىل جانە الماتى وڭىرلەرىنىڭ فەرمەرلەرىنىڭ قولىنداعى قوماقتى پيازدى ەسكەرە وتىرىپ، ەلىمىزدىڭ 4 ساۋدا جەلىسى پيازدى تىكەلەي وندىرۋشىلەردەن ساتىپ الادى.

جامبىل جانە الماتى وبلىستارىنىڭ فەرمەرلەرىنىڭ پياز ەكسپورتىنا ارنالعان جاسىل ءدالىز قوسىمشا فەرمەرلەرگە ءونىمدى ىشكى جانە سىرتقى نارىقتاردا ساتۋعا جاردەمدەسۋ ماقساتىندا جەدەل جۇمىس توبى قۇرىلدى.

ونىڭ قۇرامىنا QazTrade، ق ر اۋىل شارۋاشىلىعى مينيسترلىگى، ق ر س ي م ساۋدا كوميتەتى، ق ر ك م اۆتوموبيل كولىگى جانە كولىكتىك باقىلاۋ كوميتەتى، ق ر ا ش م ا و ك مەملەكەتتىك ينسپەكسيا كوميتەتى، جامبىل وبلىسىنىڭ اكىمدىگى كىردى.

جۇمىس توبىنىڭ مىندەتى - پياز ساتۋدا جانە فيتوسانيتاريالىق سەرتيفيكاتتار مەن باسقا دا رۇقسات قۇجاتتارىن جەدەل بەرۋدە پياز وسىرۋشىلەرگە كومەك كورسەتۋ.

بۇدان باسقا، قازاقستان مەن وزبەكستان شەكاراسىن وتكىزۋ پۋنكتتەرىندە پيازدى ۇزدىكسىز ەكسپورتتاۋ ءۇشىن جاسىل ءدالىز جۇمىس ىستەيدى.

جامبىل وبلىسىنىڭ اۋىل شارۋاشىلىعى باسقارماسىنىڭ مالىمەتىنشە، 2024 -جىلدىڭ 20-ناۋرىزىنان باستاپ قازاقستاندىق اۋىل شارۋاشىلىعى وندىرۋشىلەرى ەكسپورتقا شامامەن 23 مىڭ توننا پياز جىبەردى.

جەتكىزۋ كۇن سايىن جۇرگىزىلۋدە، قازىرگى ۋاقىتتا كۇننىڭ جىلىنۋ جانە ۆاگوندارمەن ۇزاق تاسىمالداۋ قاۋپىنە بايلانىستى ءونىم اۆتوكولىكپەن جونەلتىلۋدە.

جامبىل وبلىسىنان كۇنىنە ورتا ەسەپپەن 881 توننا پياز، نەگىزىنەن پاكىستانعا ەكسپورتتالادى.

تاعى دا 5 مىڭ توننانى جونەلتۋ ءۇشىن رۇقسات الۋ قۇجاتى ازىرلەنىپ جاتىر.

قازاقستاندىق كوكونىسكە وزبەكستان مەن تاجىكستاننان ساتىپ الۋشىلار قىزىعۋشىلىق تانىتىپ وتىر.

قازىر تاراپتار قازاقستاندىق كاسىپورىندارمەن جەتكىزىلىمدى ەسكەرە وتىرىپ، الەۋەتتى مامىلەنىڭ بارلىق قاتىسۋشىلارىن قاناعاتتاندىراتىن پيازدىڭ باعاسى تۋرالى كەلىسسوز جۇرگىزۋدە.

سونداي- اق، ەكسپورتتاۋشىلار گرۋزيا مەن يتالياعا پياز جەتكىزۋ تۋرالى كەلىسىمدەردى پىسىقتاپ جاتىر.

وسىعان بايلانىستى، ق ر ك م اۆتوموبيل كولىگى جانە كولىكتىك باقىلاۋ كوميتەتى قازاقستاندىق تاسىمالداۋشىلارعا پياز پارتيالارىن شەتەلگە جونەلتۋ ءۇشىن «رۇقسات بەرۋ» (تاماق ونىمدەرىنىڭ قاۋىپسىزدىگىنىڭ ەكولوگيالىق سىنىبىن راستاۋ) ماسەلەسىن شەشۋگە كومەكتەسەدى.

پيازدى تاسىمالداۋعا كەتەتىن ۋاقىت شىعىنىن ازايتۋ ماقساتىندا ق ر ا ش م مەملەكەتتىك ينسپەكسيا كوميتەتى شەكارادا كارانتينگە جاتقىزىلعان ءونىمدى جەدەل تەكسەرۋ بويىنشا تاۋلىك بويى بەكەتتەر ۇيىمداستىرۋ تۋرالى شەشىم قابىلدادى.

2-ساۋىردەگى جاعداي بويىنشا جامبىل وبلىسىندا ساتىلماعان پياز كولەمى - 114,7 مىڭ توننا، الماتى وبلىسىندا - 16,5 مىڭ توننا.

سوڭعى جاڭالىقتار