جالعان وفيس جالداۋ: قىتايدا جۇمىسسىزدىقتىڭ جاڭا بەيرەسمي «ەمى» پايدا بولدى

قىتايدا جۇمىسسىزدىقتىڭ جاڭا بەيرەسمي «ەمى» پايدا بولدى - جالعان وفيستەر. مۇندا ادامدار ايلىق ءۇشىن ەمەس، كۇندەلىكتى 30 يۋان تولەپ، جۇمىس ىستەيتىن ادام سياقتى ءتۇر جاساپ، كۇنىن وتكىزەدى، دەپ حابارلايدى finance.sina.com.cn.

ارنايى جابدىقتالعان كەڭسەلەردە ءار قاتىسۋشىعا ۇستەل، Wi-Fi، تۇسكى اس جانە «ارىپتەستەر» بەرىلەدى. ءتىپتى ۇيىقتاپ قالىپ كەشىكسەڭىز ايىپپۇل سالىنادى. قوسىمشا اقى تولەسەڭىز، سىزگە «جەكە جينالىس بولمەسى» مەن «استىڭىزداعى قىزمەتكەرلەر» دە بەرىلەدى، ءوزىڭىزدى ناعىز باستىق سەزىنە الاسىز.

مۇنداي كەڭسەلەردىڭ جارناماسى دا شىندىققا وتە جاقىن:

«جۇمىسىڭنان ايىرىلىپ قالىپ، تۋىستارىڭا ايتۋعا ۇيالىپ ءجۇرسىڭ بە؟ ءبىزدىڭ وفيسكە كەل، وسىندا وتىرىپ قالاعانىڭشا تەلەفون قارا، ءبارى سەنى جۇمىستا دەپ ويلايدى.»

پايدالانۋشىلاردىڭ ايتۋىنشا، بۇل پسيحولوگيالىق تۇرعىدا بوس وتىرعاننان گورى جاقسى. بىرەۋ ءۇشىن بۇل كۇن ءتارتىبىن ساقتاۋعا كومەكتەسسە، ەندى ءبىرى وسى «وفيستە» وتىرىپ شىن جۇمىس تاۋىپ الۋعا ۇمىتتەنەدى ەكەن.