جالعان پسيحولوگتەر كوبەيىپ كەتتى: قالاي اجىراتامىز
استانا. KAZINFORM - سوڭعى جىلدارى جالعان پسيحولوگتەر مەن كوۋچتار قوعامنىڭ قىزۋ تالقىسىنا ءتۇستى. ساپاسىز قىزمەت كورسەتەتىن مامانداردىڭ ماسەلەسى پرەزيدەنتتىڭ دە قۇلاعىنا جەتكەن ەدى.
مەملەكەت باسشىسى بيىل بۋرابايدا وتكەن ۇلتتىق قۇرىلتايدا وزىنە جالعان پسيحولوگتەر مەن كوۋچتاردىڭ ۇستىنەن ءجيى شاعىم ءتۇسىپ جاتقانىن ايتتى. سول سەبەپتى قۇقىق قورعاۋ ورگاندارىنا جاعدايدى ءجىتى باقىلاۋدا ۇستاۋىن تاپسىردى.
- قازىر جۇرتقا اقىل ايتىپ، اقشا تاباتىن جالعان پسيحولوگتەر مەن «كوۋچتار» كوبەيىپ كەتتى. ولارعا سەنىپ، الدانىپ قالعاندار كوپ. ماعان بۇل تۋرالى كوپتەگەن شاعىم ءتۇسىپ جاتىر. جاۋاپتى ورگاندار بۇل ماسەلەنى دە نازارعا الۋعا ءتيىس، - دەدى قاسىم-جومارت توقايەۆ.
ال ماماندار كاسىبي پسيحولوگتەردى اجىراتۋدىڭ جولى وڭاي دەيدى. ول ءۇشىن ءوزىڭىز قابىلداۋىنا جازىلعان پسيحولوگتىڭ ديپلومىن سۇراۋىڭىز كەرەك. بۇل تۋرالى Jibek Joly ارناسىنىڭ باعدارلاماسىنا سۇحبات بەرگەن گۇلزات اسانوۆا ايتىپ بەردى.
- پسيحولوگتىڭ قابىلداۋىنا بارعان كەزدە ەڭ ءبىرىنشى ماماننان ديپلومىنىڭ بار-جوعىن سۇراۋ كەرەك. جانە ول مامان جوعارى وقۋ ورنىن بىتىرگەننەن كەيىن قانداي باعىتتا ءوزىن دامىتىپ ءجۇر - سونى سۇراۋ كەرەك. سودان كەيىن قانداي وداقتا نەمەسە اسسوتسياتسيادا تىركەلگەنى جايلى ءبىلىپ الىڭىز. سەبەبى مۇنداي ارنايى ۇيىمداستىرىلعان قوعامدارعا كاسىبي دەڭگەيى جوعارى ماماندار مۇشەلىك ەتەدى. وندا پسيحولوگتەردىڭ تاجىريبەسى مەن ەتيكاسى دا قاداعالانادى، - دەيدى پسيحولوگتەر وداعىنىڭ ءتوراعاسى.
باعدارلاما جۇرگىزۋشىسى ستۋديا قوناعىنان قازىر نەگە پسيحولوگتەر كوبەيىپ كەتكەنىن سۇرادى. «كاسىبي قازاقستاندىق گەشتالت» قاۋىمداستىعىنىڭ پرەزيدەنتى بۇل جاعدايدى سۇرانىس پەن قىسقا مەرزىمدى كۋرستاردىڭ كوپتىگىمەن بايلانىستىردى.
- وزدەرىڭىز كورىپ وتىرعانداي، الەۋمەتتىك جەلىدە كوپتەگەن پسيحولوگ وزدەرىن جارنامالاپ ءجۇر. بۇل ماسەلەنى مەن ءوزىم زەرتتەدىم. قازىرگى زاماندا SMM ماماندىعى دامىپ بارا جاتىر. ولار الەۋمەتتىك مەديا ماركەتينگ سالاسىن وقىپ الىپ، وزدەرى اقشا تابۋ ءۇشىن وزگە سالانىڭ ماماندارىن دامىتىپ، جارنامالايدى. ال ول ماماننىڭ ءبىلىمى بار ما، جوق پا - وعان قارامايدى. ەكىنشى - ارينە، سۇرانىستىڭ كوپ بولۋى. ۇشىنشىدەن، قازىرگى پسيحولوگتەر قىسقا مەرزىمدى كۋرستاردى وقىپ الادى. 1,5 جىلدىڭ ىشىندە پسيحولوگ بولىپ شىعاسىڭ دەيتىن كۋرستار قازىر وتە كوپ. نەگىزى 2-3 جىلدىڭ ىشىندە پسيحولوگياعا قاتىستى تەوريالىق ماتەريالدار مەن كىتاپتاردى وقىپ الۋعا بولادى. ءبىراق ناعىز مامان 1,5 جىلدىڭ ىشىندە داعدىنى قالىپتاستىرا المايدى. وعان كەمىندە 3-4 جىل كەرەك، - دەيدى گۇلزات اسانوۆا.
پسيحولوگ جاس مامانداردى قاتاڭ سىنعا الدى.
- قازىرگى كوپتەگەن جاس پسيحولوگتىڭ بازالىق داعدىلارى وتە تومەن. ونىڭ بارىنە قازىر كوپتەگەن قىسقا كۋرستىڭ كوبەيىپ كەتۋى سەبەپ. نەگە پسيحولوگتەر ونداي كۋرستاردى وتەدى؟ ويتكەنى ونداي پسيحولوگتەردىڭ پسيحولوگيا سالاسىندا جۇمىس ىستەيتىن داعدىلارى جوق. سول سەبەپتەن ولار كۋرس ۇيرەتۋمەن اينالىسادى، - دەيدى ول.
پسيحولوگتەر وداعىنىڭ ءتوراعاسى بۇل ماسەلەنىڭ شەشۋ جولىنا دا توقتالدى.
— ءبىز وسى ناۋرىز ايىندا قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنە كاسىبي ستاندارتتاردىڭ جوقتىعى تۋرالى حات جولداعان ەدىك. ويتكەنى قازىرگى بولىپ جاتقان ماسەلەلەردىڭ سەبەبى دە وسى. بىزدە سالالىق- كۆاليفيكاتسيالىق قۇرىلىم جوق. بەلگىلى ءبىر ماماندى پسيحولوگ دەپ اتاۋ ءۇشىن ستاندارتتى قۇرىلىم بولۋى كەرەك. قازىر وسى ماسەلە بويىنشا جۇمىس توبى قۇرىلدى. ولار وسى قۇرىلىمدى دايىنداۋدى باستادى. وندا پسيحولوگتىڭ بويىندا قانداي داعدى بولۋ كەرەكتىگى تولىق بەلگىلەنەدى. وسى قۇرىلىم دايىن بولعان سوڭ ءبىز كاسىبي ستاندارتتاردى جاساپ شىعارامىز. جانە سوعان ساي سەرتيفيكاتسيالىق ورتالىقتار اشۋ كەرەك. ال ورتالىقتار تاۋەلسىز بولۋ قاجەت، - دەيدى مامان.
گۇلزات اسانوۆا ەل اراسىنداعى پسيحولوگتەر تۋرالى ستەرەوتيپتەردىڭ جالعان ەكەنىن ايتادى. ول پسيحولوگتەر مەن پسيحياترلاردى شاتاستىرىپ الماۋ كەرەگىن ەسكەرتتى.
— ادامدار پسيحولوگتىڭ كومەگىنە ىشكى دۇنيەنى نەمەسە ەكى ادامنىڭ ورتاسىنداعى قارىم-قاتىناستى دامىتۋ ءۇشىن دە جۇگىنە الادى. ولار پسيحولوگياسى ساۋ ازاماتتار بولۋى دا مۇمكىن. ادامدار پسيحولوگقا تەك قيىن جاعدايدا كەلەدى دەپ ويلايدى. سول ءۇشىن پسيحولوگيا مەن پسيحياتريانى شاتاستىرىپ الماۋىمىز كەرەك، - دەيدى «كاسىبي قازاقستاندىق گەشتالت» قاۋىمداستىعىنىڭ پرەزيدەنتى.
ال پسيحولوگ ەرجان مىرزابايەۆ «پسيحولوگ» ءسوزىن قازاقشالاپ، «جانتانۋشى» دەپ اتاۋ كەرەگىن ايتتى.
- ادامدار پسيحولوگقا بارۋدان قورقىپ، قىسىلماۋ كەرەك. پسيحولوگتارعا «پسيحتاردى» ەمدەيتىن ەمەس، ادامدارعا پسيحولوگيالىق تۇرعىدا كومەكتەسەتىن مامان رەتىندە قاراۋ كەرەك. مەنىڭ ويىمشا، كوپ ادامنىڭ پسيحولوگتەرگە قاتىستى ستەرەوتيپتەرى تىلدىك ەرەكشەلىكتەرگە بايلانىستى تۋىنداپ جاتىر. مىسالى، پسيحولوگيا دەگەن كەزدە ەڭ ءبىرىنشى «پسيح» دەگەن ءسوز ەستىلەدى دە، ادامداردا بىردەن نەگاتيۆ تۋىندايدى. نەگىزى پسيحولوگيانىڭ قازاقشا اۋدارماسى — جان تانۋ. مەنىڭشە، قازاقي مەنتاليتەتكە نەگىزدەپ وسى ءسوزدى قولدانىسقا ەنگىزۋىمىز كەرەك. قايدا باردىڭ دەگەندە «جانتانۋشىما بارىپ كەلدىم» دەپ ايتسا جاقسى عوي. مۇنداي جاعدايدا جانتانۋشىعا جىندىلار بارادى دەگەن ۇعىم ويعا كەلمەيدى، - دەيدى ول.
«Бүгін LIVE» باعدارلاماسىنا ونلاين بايلانىسقا شىعىپ، پىكىر بىلدىرگەن مامان ءوزىنىڭ ا ق ش- تا جيناعان تاجىريبەسىمەن ءبولىستى.
- مەن بيىل ا ق ش- تىڭ ۆاشينگتون قالاسىندا وتكەن حالىقارالىق پسيحولوگتەر كونفەرەنسياسىنا قاتىستىم. ول جەردەگى كريتەرييلەرگە سايكەس ولار پسيحولوگتەردى ليتسەنزيالاۋدى مىندەتتەگەن. ا ق ش- تا تەك ديپلوم بولۋى جەتكىلىكسىز. وندا ءاربىر شتاتتىڭ ارنايى مەكەمەلەرى كاسىبي پسيحولوگتەرگە ليتسەنزيا بەرەدى. جانە سول ليتسەنزيانى ۇستاپ تۇرۋ ءۇشىن دە جىل سايىن 60-72-100-240 ساعاتتىق بىلىكتىلىكتى ارتتىرۋ كۋرستارىنان ءوتۋى تالاپ ەتىلەدى. مىسالى، پسيحولوگتەرگە بەلگىلى ءبىر فورۋمعا قاتىسساڭىز، سىزگە 8 بىلىكتىلىكتى ارتتىرۋ ساعاتىن قوسىپ بەرەمىز دەيدى. ولار ءتۇرلى فورۋمدارعا قاتىسىپ، بىلىكتىلىكتى ارتتىرۋ ساعاتىن 72-گە تولىقتىرادى. سوعان سايكەس ولاردىڭ ليتسەنزيالارى دا ۇزارتىلىپ وتىرادى. ناتيجەسىندە ماماندار 20 جىل بۇرىن العان ديپلومىمەن قالىپ قويماي، جۇيەلى تۇردە ءوزىن دامىتىپ، جەتىلدىرىپ وتىرادى، - دەيدى پسيحولوگ.
بۇعان دەيىن پسيحولوگ لۋدوماننىڭ جاقىندارى تاراپىنان جىبەرىلەتىن ەڭ ۇلكەن قاتەلىك تۋرالى ايتقانىن جازدىق.
اۆتور
ارۋجان ماحمۋت
